२३ फागुन २०८२, शनिबार
सुर्खेत निर्वाचन क्षेत्र नं.२ मा राष्ट्रिय स्वतन्त्र पार्टी (रास्वपा)का रमेशकुमार सापकोटा विजयी हुनुभएको छ ।
रास्वपाका उम्मेदवार सापकोटाले ३० हजार ८२६ मत ल्याएर विजयी हुनुभएको हो । उहाँका निकटतम् प्रतिद्वन्द्वी नेपाली काँग्रेसका नारायणकुमार कोइरालाले १६ हजार ३९२ मत प्राप्त गर्नुभएको मुख्य निर्वाचन अधिकृत दीपक ढकालले जानकारी दिनुभयो । उहाँका अनुसार सापकोटा १४ हजार ४५४ मतान्तरले जित्नुभएको छ ।
त्यसैगरी, नेकपा एमालेका उम्मेदवार कुलमणि देवकोटाले १३ हजार १५५ र नेपाली कम्युनिष्ट पार्टीका झकबहादुर मल्लले चार हजार ५८७ मत प्राप्त गर्नुभएको थियो । सुर्खेतको २ नं. क्षेत्रमा १७ दलका प्रत्यासीहरु चुनावी मैदानमा थिए । एक लाख २६ हजार ४१ मतदाता संख्या रहेको यो क्षेत्रमा ७३ हजार ३५६ मत खसेको थियो । जसमा तीन हजार २७१ मत बदर भएको जनाइएको छ ।
