२३ माघ २०८२, शुक्रबार
जिल्ला प्रहरी कार्यालय सुर्खेतले लागुऔषध ब्राउनसुगरसहित वीरेन्द्रनगरबाट चार जनालाई पक्राउ गरेको छ ।
जिल्ला प्रहरी कार्यालय सुर्खेतका प्रवक्ता एवं प्रहरी नायव उपरीक्षक मोहनजंग बुढ्थापाका अनुसार पक्राउ पर्नेमा वीरेन्द्रनगर नगरपालिका ३ सुर्खेतका २१ वर्षीय अर्जुन कुमार प्रजापति, वडा नं.७ का २२ वर्षीया ललिता सिंह ठकुरी, नरहरीनाथ गाउँपालिका ९ कालीकोटका १८ वर्षीय रमेश रावल र ठाकुरबाबा नगरपालिका ७ बर्दियाका २२ वर्षीया अर्जुन बुढा रहेका छन् । पक्राउ परेका आरोपितहरुको साथबाट एक ग्राम पाँच सय ६० मिलिग्राम लागुऔषध नियन्त्रणमा लिइएको प्रहरी नायब उपरीक्षक बुढ्थापाले बताउनुभयो ।
उहाँले भन्नुभयो, “स्थानीयले वीरेन्द्रनगरका विभिन्न क्षेत्रमा लागुऔषधको कारोबार भइरहेको छ भन्ने गोप्य सूचनाामा प्रहरीले चलाएको विशेष अप्रेसनका क्रममा उनीहरुलाई शंकास्पद अवस्थामा फेला पारिएको थियो । खानतलासी गर्दा लागुऔषध नै भेटियो ।” उनीहरुको साथबाट नाईट्राजेपाम ३१ ट्याब्लेट फेला परेको बताउँदै प्रहरीले पक्राउ परेकाहरुको आवश्यक अनुसन्धान सुरु गरिएको जनाएको छ ।
त्यसैगरी, जबरजस्ती करणी मुद्दाका फरार अभियुक्त नौगाड गाउँपालिका २ का २७ वर्षीय भूपेन्द्रसिंह ठगुन्नालाई काठमाडौं जिल्ला वडा एरियामा लुकिछिपी बसेको अवस्थामा फेला पारेर पक्राउ गरी सुर्खेत प्रहरीमा ल्याई उक्त मुद्दामा ठगुन्नालाई अनुसन्धान थालिएको जनाइएको छ ।
