११ माघ २०८२, आईतबार
आज सम्पन्न राष्ट्रियसभा सदस्यको निर्वाचनमा कर्णाली प्रदेशमा एक सय ९१ मत खसेको छ । कुल मतदाता संख्या एक सय ९८ रहेको थियो ।
कर्णाली प्रदेशसभाका ४० सदस्य मध्ये ३९ जनाले मतदान गरेका छन् । त्यस्तै, ७९ स्थानीय तहका एक सय ५८ जनप्रतिनिधि मध्ये एक सय ५२ जनताले मतदान गरेको प्रदेश निर्वाचन कार्यालय कर्णाली प्रदेश सुुर्खेतका सूचना अधिकारी नन्दराम चौलागाईले जानकारी दिनुभयो ।
आज सम्पन्न राष्ट्रियसभा सदस्यको निर्वाचनका लागि कर्णालीमा रिक्त अन्य र महिला कलस्टरमा चार जनाको उम्मेदवारी परेको थियो । अन्य कलस्टरमा नेपाली कम्युनिष्ट पार्टीबाट रुकुमपश्चिमका बुद्धिप्रसाद शर्मा र नेपाली काँग्रेसबाट जुम्लाका ललितजंग शाहीको उम्मेदवारी रहेका छ ।
त्यसैगरी, महिला कलस्टरमा नेपाली कम्युनिष्ट पार्टीबाट डोल्पा निवासी अन्जु महतारा र नेकपा एमालेबाट दैलेख निवासी मिनासिंह रखालले उम्मेदवारी दिनुभएको छ । मतदान कार्य सम्पन्न भइसकेकोले अब मतगणना कार्य सुरु भएको सूचना अधिकारी चौलागाईले जानकारी दिनुभयो ।
