१६ मंसिर २०८२, मंगलबार
सुर्खेतः सस्तो मोबाइल सुर्खेतले सञ्चालन गरेको ‘चाडपर्व विशेष कुपन उपहार कार्यक्रम’ सुर्खेतमा भव्यरूपमा सम्पन्न भएको छ । दशैं–तिहारको अवसरमा ग्राहकलाई प्रत्यक्ष लाभ दिने उद्देश्यसहित शुरु गरिएको कुपन अभियानअन्तर्गत सोमबार सुर्खेतमा औपचारिक कार्यक्रम मार्फत कुपन नतिजा सार्वजनिक गरिएको हो । कार्यक्रमको सार्वजनिक कर्णाली प्रदेश सभा सामाजिक विकास समितिका सभापति पुर्ण बहादुर खत्री गर्नुभयो ।
सस्तो मोवाइलले चाडपर्वमा लक्षित गरेर आफ्ना ग्राहकहरुलाई वितरण गरिरहेका कुपनहरूमध्ये भाग्यशाली ३०० भन्दा बढी ग्राहकहरूले आकर्षक उपहार प्राप्त गरेको सस्तो मोबाइलका सञ्चालक सन्दीप मल्लले जानकारी दिनुभया । उहाँका अनुसार, यस वर्ष कुल ४ लाख ५० हजार रुपैयाँभन्दा बढी मूल्यका उपहारहरू ग्राहकलाई प्रदान गरिएको छ ।
कुपन योजनाअन्तर्गत दुई जनाले सुनको औंठी प्राप्त गरेका छन्। सुनको औंठी पाउने भाग्यशाली चन्दा शाही (कुपन नं.०७) र ललित रोकाया (कुपन नं. ६२२) रहेका छन् । त्यस्तै, शेरबहादुर मल्ल, चन्दा सिंह, प्रकाश बुढा, विनोद कुमार खड्का र अनिता कुमारी बिष्टले स्मार्टफोन प्राप्त गरेका छन् ।
यस बाहेक एयरबड्स, पावर बैंक, हातेघडी, नेकबेण्ड, स्पिकर लगायतका आकर्षक उपहारहरू सयौँ ग्राहकहरूले पाएका छन् । कार्यक्रमपछि सञ्चालक मल्लले सहभागी तथा ग्राहकप्रति कृतज्ञता व्यक्त गर्दै निरन्तर विश्वास र साथले आफूहरूलाई अझै सेवा सुधार तथा नयाँ योजना ल्याउन प्रेरित गरेको बताउनुभयो । कार्यक्रममा सहभागी नभएका ग्राहकहरुले सस्ता्े मोवाइल सुर्खेतमा सम्पर्क गरी आफ्नो उपहार लैजान पनि उहाँले अनुरोध गर्नुभएको छ ।
“सोमबारको कुपन उपहार सार्वजनिक कार्यक्रममा सहभागी भई साथ, सहयोग र हौसला प्रदान गर्ने सम्पूर्ण अतिथि, शुभेच्छुक तथा ग्राहक महानुभावहरुलाई हार्दिक धन्यवाद व्यक्त गर्दछु,” मल्लले भने, “आगामी दिनमा पनि अझ नयाँ र ग्राहकमैत्री योजनासहित सेवा विस्तार गर्दै जाने विश्वास दिलाउँछु”
सस्तो मोबाइल सुर्खेतका शाखाहरू वीरेन्द्रनगरस्थित यरिचोक र पिपिराचोकमा सञ्चालनमा रहेका छन् । कार्यक्रम सम्पन्नसँगै चाडपर्व विशेष कुपन उपहार योजना यो वर्षका लागि औपचारिक रूपमा बन्द भएको छ ।
