२५ साउन २०८२, आईतबार
कर्णाली प्रदेशको राजधानी सहर सुर्खेत वीरेन्द्रनगरमा ‘समृद्ध कर्णालीका लागि युवा’ विषयक प्रादेशिक बहस हुनेभएको छ ।
अन्तर्राष्ट्रिय युवा दिवसको अवसरमा कर्णाली युथ सोसाईटीले भोलि वीरेन्द्रनगरस्थित मध्यपश्चि विश्वविद्यालयको सभाहलमा प्रादेशिक बहस सञ्चालन गर्ने भएको छ । युवालाई सुनाैं भन्ने नारासहित मुलुकमा बढ्दै गएको बेरोजगारी र युवा पलायनको समस्या, त्यसबाट सृजित सामाजिक अपराध, सूचना र प्रविधिले ल्याएको अवसर तथा चुनौति, यसमा नेतृत्वको जिम्मेवारी र युवाहरुको भूमिकाका विषयमा बहस हुने सोसाईटीका अध्यक्ष सुप्रिया शाहीले जानकारी दिनुभयो ।
आज पत्रकार सम्मेलनमार्फत अध्यक्ष शाहीले प्रादेशिक बहसमा मनोसामाजिक परामर्शकर्ता शर्मिला बिसी, युवा रविकिरण हमाल, उत्प्रेरक वक्ताद्वय दिपेश शाही ठकुरी र आदर्शविक्रम सिंह, अन्तर्राष्ट्रिय युवा खेलाडी तथा अभियान्ता प्रकाश खड्का र सामाजिक अभियान्ता प्रतिमा केसी वक्ताको भूमिकामा हुनेछन् । उहाँका अनुसार बहसमा कर्णाली प्रदेश सरकारका मन्त्री तथा प्रदेशसभा सदस्य, नागरिक अगुवा, बुद्धिजीवि, समाजसेवी, शिक्षाप्रेमी, पत्रकार सञ्चारकर्मीहरुलगायतको सहभागिता रहनेछ ।
