राति ८ बजेर ७ मिनेटमा ५.२ र ८ बजेर १० मिनेटमा ५.५ म्याग्नेच्युडको भूकम्प गएको हो । भूकम्पको केन्द्रविन्दु जाजरकोटको पैंकआसपास रहेको छ । भूकम्पबाट पुगेको क्षतिबारे कुनै जानकारी आइसकेको छैन ।

यसैबीच जाजरकोट भूकम्पका कारण डोल्पालगायत जिल्लामा पनि धक्का महसुस गरिएको छ । राति ८ बजेर १० मिनेट र ११ मिनेट जाँदा लगातार दुई पटक डोल्पामा भूकम्प गएपछि नागरिक त्रसित भएका ईकान्तिपुर संवाददाताले जनाएका छन् । पहिलो पटक गएको भूकम्पभन्दा दोस्रो पटकको भूकम्पले धेरै हल्लाएको त्रिपुरासुन्दरी नगरपालिका-१ का स्थानीय हरिचन्द्र विष्टको भनाइ छ ।