२५ फागुन २०८१, आईतबार
सुर्खेतः कर्णाली प्रदेशका सामाजिक विकासमन्त्री घनश्याम भण्डारीले विद्यालयलाई आर्थिक गतिविधिमा जोड्नुपर्ने बताउनुभएको छ ।
मन्त्रालयद्वारा आयोजि कर्णाली प्रदेशको शिक्षा योजनाको मस्यौदामाथिको छलफल कार्यक्रममा बोल्दै उहाँले विद्यालयलाई आर्थिक गतिविधिमा जोड्ने गरी शिक्षा योजनामा मुख्य प्राथमिकता राख्नुपर्ने सुझाव दिनुभयो ।
शिक्षा र आर्थिक विकासलाई सँगसगै लिन सक्ने यसले दक्ष जनशक्ति उत्पादन र आत्मनिर्भरता सहयोग पुग्छ, उहाँले भन्नुभयो, यसका लागि स्थानीय पाठ्यक्रममा उत्पादनको विषय समेट्नुको साथै व्यवसायीकरणमा जोड दिनुपर्दछ ।
मन्त्री भण्डारीले प्रदेश योजना बनाउँदा पालिकाको शिक्षा योजना पृष्ठपोषणका रूपमा लिन सकिने जनाउँदै ती योजनालाई प्रदेश र स्थानीय तहबीचको तदम्यता मिलाउन आग्रह गर्नुभयो ।
योजना बनाउने तर उपयोग नहुने कारणले जनतामा वितृष्णा जागेको बताउँदै मन्त्री भण्डारीले योजना निर्माण गर्दा विज्ञको सहभागिता अनुरुप कार्यान्वयन गर्ने निकायका कर्मचारीले ध्यानपूर्वक सहभागी हुन आवश्यक रहेको धारणा व्यक्त गर्नुभयो ।
