जुम्ला ,पुस २७ गते ।
जुम्लामा पनि विभिन्न कार्यक्रम गरि पृथ्वी जयन्ति मनाईएको छ । राष्ट्र राष्ट्रियता धर्म सस्कृति तथा नागरिक बचाउ महाअभियान नेपाल जिल्ला कार्यसमिति जुम्लाको आयोजनामा जुम्लामा र्याली सहित कोणसभा गरेर कार्यक्रम मनाईएको छ ।
जुम्ला बजार परिक्रमा गरेर कृष्ण मन्दिरमा मनाईएको कार्यक्रममा देश एकतमा पृथ्वी नारायण शाहले गरेको योगदानको कदर गरिएको छ । राप्रपा जुम्लाका बरिष्ठ उपाध्यक्ष कालिबहादुर महतले पृथ्वीनारायण शाहले देश एकतामा पुर्याएको योगदान अमुल्य रहेको बताउनुभयो । उहाँले पृथ्वी नारायण शाहको घुस दिने र खाने दुवै देशका सत्रु हुन दिब्य उपदेशले शुसासन दर्शाउने गरेको बताउनुभयो ।
राप्रपाका जिल्ला नेता पूर्णसिंह कठायतले एकिकरणको क्रममा जुम्ला नास गरिएको नराम्रो भएपनि पृथ्वीनारायण शाहले गरेको काम सम्झना लाएक भएको बताउनुभयो । दिवसमा भने पृथ्वीनारायण शाहको दिवस मनाउन राखिएको व्यानरको छेउमा दुर्गा प्रसाईको तस्बिर राखिएको बिषयमा आलोचना भईरहेको छ ।
