२५ कार्तिक २०८१, आईतबार
कर्णाली प्रदेश सरकारका मुख्यमन्त्री यामलाल कँडेलले कालीकोट जीप दुर्घटनाका घाईतेहरुको उपचार प्रभावकारी बनाउन निर्देशन दिनुभएको छ ।
दुर्घटना भएलगत्तै नेपाली सेनाको हेलिकोप्टरबाट उद्धार गरी उपचारका लागि कर्णाली प्रदेश अस्पताल सुर्खेत ल्याइएका घाईतेहरुको स्वास्थ्य अवस्थाबारे जानकारी लिन अस्पताल पुग्नुभएका मुख्यमन्त्री कँडेलले उनीहरुको उपचार कार्य शीघ्र र प्रभावकारी बनाउन निर्देशन दिनुभयो । उहाँले भन्नुभयो, “थप मानवीय क्षति हुन नदिने गरी उपचारमा ध्यान चिकित्सकहरुलाई अनुरोध गर्दछु । सरकारले आवश्यक सहयोग गर्छ ।”
आज दिउँसो कालीकोट जिल्लाको पलाँता गाउँपलिका ५ स्थित खिनदेखि थिर्पुअर्फ जाँदै गरेको क ००१.ज.५६ नम्बरको बोलेरो जीप सोही गाउँपालिकाको वडा नं. ३ को राडुनेटा भन्ने स्थान दुर्घटना भएको थियो । उक्त दुर्घटनामा परी पलाता गाउँपालिका ६ का दशकला शाही, पदम बम, भगवती रोकाया, गणेश शाही, सोही पालिकाका ५ का छाया शाही र वडानं. ३ का दमन रोकाया घटनास्थल र उपचारको क्रममा चालक धनिराम रावतको सुर्खेतमा मृत्युु भएको जनाइएको छ ।
घाईते १२ जनाको उपचार भईरहेको कर्णाली प्रदेश अस्पताल सुर्खेतले जनाएको छ ।
