२७ चैत २०८०, मंगलबार

वाग्मती प्रदेश सरकारद्वारा आयोजित प्रथम अन्तर प्रदेश राष्ट्रिय खेलकुद प्रतियोगिता–२०८० अन्तरगत चितवनमा जारी महिला फुटबल प्रतियोगिताको पहिलो खेलमा कर्णाली विजयी भएको छ ।

मंगलबार चितवनको शारदानगर फुटबल मैदान भरतपुरमा सम्पन्न खेलमा लुम्बिनी प्रदेशलाई ४–० अन्तरमा कर्णाली प्रदेशले जित हात पार्न सफल भएको हो । उक्त खेलमा पहिलो करिश्मा रोकाय, दोस्रो भूमिका बुढाथोकी, तेस्रो सिवंगी स्नेही र चौथोमा ललिता भाटले गोल गरी उत्कृष्टता प्रदर्शन गरेकाे खेल व्यवस्थापक  दिपेन्द्रविक्रम हमालले जानकारी दिनुभयाे ।

उहाँका अनुसार खेलमा म्यान अफ म्याच कर्णाली प्रदेशको भूमिका बुढाथोकी हुनुभएको छ । कर्णालीको अर्को खेल सेमीफाइनल यही २९ गते सुदूरपश्चिमसँग दिउसो ३ः०० बजे हुने महासचिव हमालले बताउनुभयो ।