२७ चैत २०८०, मंगलबार
कर्णाली प्रदेश सरकारको मुख्यमन्त्रीमा नेकपा एमाले कर्णाली प्रदेशसभा दलका नेता यामलाल कँडेल नियुक्त हुनुभएको छ ।
नेपालको संविधानको धारा १६८ को उपधारा (२) बमोजिम कर्णाली प्रदेशको मुख्यमन्त्री हुनका लागि सत्ता गठबन्धन दल नेकपा एमाले, माओवादी केन्द्र र एकीकृत समाजवादी दलका नेताहरुको समर्थनसहितको हस्ताक्षर पत्र कर्णाली प्रदेश प्रमुख तिलक परियारसमक्ष पेश गरेसँगै प्रदेश परियारले उहाँलाई मुख्यमन्त्रीमा नियुक्त गर्नुभएको हो ।
कर्णाली प्रदेशसभा ४० सदस्यीय छ यद्यपि प्रदेश सरकार गठनका लागि २१ जना प्रदेशसभा सदस्य आवश्यक पर्छ । जसमा नेकपा माओवादी केन्द्र उपसभामुखसहित १३, एमालेका सभामुखसहित १० र एकीकृत समाजवादीका एक जना प्रदेशसभा सदस्यहरुको नेता कँडेललाई मुख्यमन्त्री पदका लागि दावी पेश गर्न समर्थन रहेको छ ।
त्यस्तै, नेपाली काँग्रेसका १४, राष्ट्रिय प्रजातन्त्र पार्टी र स्वतन्त्र एक÷एक प्रदेशसभा सदस्य रहेका छन् ।
