जुम्ला चैत २३ गते,
व्यवसायी दुर्गा प्रसाईले जुम्लामा सहकारी तथा वित्तिय संस्थामा ऋण लिएका २० लाख मुनिको ऋण मिनाह गरिदिने आश्वासन गरेका छन् । उनले आफु जुम्लामा भोट माग्न नआएको तर ऋणबाट मुक्ति दिन आएको बताएका छन् ।
उनका अनुसार नेताहरुले जति कमाएपनि मेरो जति जोडन नसक्ने, जुम्लाबाट भोट मागेर जानेत तिला नदि काटेपछि विर्सिने गरेका छन् । उनले भने आफु जुम्लामा केही माग्न नआएको बताए । उनले लघुवित्त र सहकारीको २० लाखको ऋण मिनाह गराउछु भनेर आफु जुम्ला आएको बताउनुभयो । प्रसाईले जुम्ला कार्यक्रमका लागि लागेको जम्मा ३० लाख खर्चमा रु १५ लाख आफुले र रु १५ लाख रेणु शाहीले खर्चेको बताए ।
उनले आफु यो देशको प्रधानमन्त्री भईदिएको भए कर्णाली करिडोर ६ लेनको बाटो बनाउथे भन्दै सांसद ज्ञानबहादुर शाहीले आज यो मञ्चमा ६ लेनको बाटो बनाए भने भन्नु पर्ने हुन्थ्यो भन्ने आलोचना गरे प्रसाईले सत्ता साझेदार दल नेकपा माओवादी केन्द्र र नेकपा एमाले पनि जनताको पक्षमा काम नगरेको आरोप लगाएका छन् ।
बजारीकरणका लागि प्रचण्ड र ओलीलाई मार्सीको खाना खुवाए :
यसैगरी व्यवसायी दुर्गा प्रसाईले जुम्ला पुगेर मार्सी चामलको बजारका लागि देशका दुई दिग्गज नेतालाई खाना खुवाएको बताएका छन् । जुम्लामा राष्ट्र,राष्ट्रियता, धर्म, सस्कृति र नागरिक बचाउ अभियानले गरेको कार्यक्रममा प्रसाईले आफु जुम्लामा नआएपनि माया गरेर मार्सीको खाना खुवाएको बताएका हुन ।
प्रसाईले मार्सी चामलको खाना किन खुवाए भनि जुम्लाका किसानहरुलाई राहात होस भन्ने उद्देश्यले मार्सी चामलको भोजन गराएको बताएका छन् । उनले एक अर्को प्रसंगमा २० लाख मुनीका ऋण लिएर पिडा भोगिरहेका नागरिकको ऋण मिनाह गर्ने आश्वासन वाडेका थिए ।
उनले पुर्व राजालाई समेत जताततै मछु भनेर हुदैन भनेर आलोचना गरेका छन् । तर उनले वोलिरहदा डिस्प्लेबाट पूर्व राजा र राजपरिवारको फोटो र तस्बिर प्रचार गरिएको थियो । एक दिन अघि प्रसाईका सहयोगीले होटल पौवामा गरेको पत्रकार भेटघाट गरेर कार्यक्रमको जानकारी गरेका थिए । तर गणतन्त्रपक्षधर नेताहरूले भने प्रसाईकाे झुटा आश्वाशन रहेकाे टिप्पणी गरेका छन् । नेपाल मजदुर किसान पार्टीका केन्द्रीय सदस्य तथा संविधानसभा सदस्य डिल्ली प्रसाद काफ्लेले प्रसाई कुनै व्यक्तिकाे लट्ठी भएर आई रहेका टिप्पणी गर्नुभयाे । जिल्ला समन्वय समितिका प्रमुख गाैरीनन्द आचार्यले भाषण र वाेलिले अव केही नहुने बताउनु भयाे ।
