OnlinePana

आज : २०८१ बैशाख १ गतेPreeti to UnicodeUnicode to PreetiRoman to UnicodeDate Converter
कोरपाटी संवाददाताचैत्र २०, २०८०सुर्खेत
१७ पटक

२० चैत २०८०, मंंगलबार

कर्णाली प्रदेश सरकारका मुख्यमन्त्री राजकुमार शर्मा विश्वासको मत लिने अडान कायमै राख्नुभएको छ ।

विश्वासको मतका लागि आईतबार कर्णाली प्रदेशसभा सचिवालयमा पत्र दर्ता गर्नुभएका मुख्यमन्त्री शर्माले आज दिउसो ३ः०० बजे बस्ने बैठकबाट विश्वासको मत लिने अडानबाट पछि हट्नुभएको छैन । सत्ता गठबन्धनको केन्द्रीय बैठकले मुख्यमन्त्री एमालेलाई दिने सहमति गरेपनि कर्णालीमा सहजै ग्रहण गर्न नसकिने प्रदेश सरकारका प्रवक्ता एवं आन्तरिक मामिला तथा कानूनमन्त्री कृष्णबहादुर जिसीले जानकारी दिनुभयो ।

उहाँका अनुसार संवैधानिक व्यवस्था अनुसासर प्रदेशसभामा विश्वासको मतका लागि पत्र दर्ता गरिसकेकाले पछाडि नहट्ने मुख्यमन्त्री शर्माले अडान लिनुभएको छ । यद्यपि केन्द्रीय निर्णय अनुसार कर्णालीमा सत्ता गठबन्धनको सरकार गठनका लागि नेकपा माओवादी केन्द्रका कर्णाली प्रदेश ईञ्चार्ज कालीबहादुर मल्ल, प्रथम मुख्यमन्त्री महेन्द्रबहादुर शाही, मुख्यमन्त्री शर्माबीच आन्तरिक छलफलमा बस्नुभएको छ ।

अहिले नेकपा एमाले कर्णाली प्रदेश ईञ्चार्ज लेखराज भट्ट, नेता यामलाल कँडेलले मुख्यमन्त्री शर्माको निवासमा बसेर सहमति कार्यान्वयनका विषयमा छलफल चलिरहेको मुख्यमन्त्री शर्माका प्रेस सल्लाहकार प्रतीक ईच्छुक शर्माले जानकारी दिनुभयो । “छलफल चलिरहेको छ,” उहाँले भन्नुभयो, “अब एक घण्टाभित्र आउने निष्कर्षले मात्र के हुने भन्नेबारे टुंगो लाग्छ ।”

कर्णाली प्रदेश सरकारको नेतृत्व गरिरहेको माओवादीले यही सरकारलाई निरन्तरता दिनुपर्ने अडान राख्दै आएको छ । सत्ता गठबन्धनको केन्द्रीय सहमति अनुसार एमालेलाई कर्णालीमा मुख्यमन्त्री दिने निर्देशन भएपछि दुवै दलले सरकारको नेतृत्व आ–आफूले लिन आन्तरिक गृहकार्य थालिरहेका छन् ।

 

 

प्रतिकृया दिनुहोस्