११ चैत २०८०, आइतबार
कर्णाली प्रदेश सरकारका मुख्यमन्त्री राजकमार शर्माले फागुपूर्णिमा अर्थात् होली पर्व सभ्य र मर्यादितरुपमा मनाउन आग्रह गर्नुभएको छ ।
होली पर्व २०८० को अवसरमा स्वदेश तथा विदेशमा रहनुभएका सम्पूर्ण आमाबुबा, दिदीबहिनी तथा दाजुभाईहरुमा सुख, शान्ति तथा समृद्धिको शुभकामना व्यक्त गर्दै उहाँले यसलाई मौलिक ढंगले आपसी सद्भाव, भातृत्व र भगिनित्व कायम हुने गरी मनाउन आग्रह गर्नुभयो । मुख्यमन्त्री शर्माले आज एक शुभकामना सन्देश जारी गर्दै भन्नुभएको छ, “फागुपूर्णिमा सभ्य तरिकाले कसैको इच्छाविपरीत रंग, लोला आदि प्रयोग नगरी मर्यादित, र अनुशासितरुपमा मनाउन आग्रह गर्दछु ।”
बहुजातीय, बहुसाँस्कृतिक मूल्यमान्यता विविधताबीचको एकता नै नेपाली पहिचान भएको जनाउँदै उहाँले यस पर्वले समग्र नेपाली समुदायको मौलिक परम्परा र साँस्कृतिक महत्वको पक्षलाई उजागर गर्दै आएको बताउनुभयो । होलीले सबै नेपालीबीच आपसी प्रेम, बन्धुत्व र एकताको भावना बढाएर समुन्नत एवं समृद्ध नेपाल निर्माण गर्न सबैमा प्रेरणा मिल्ने विश्वास मुख्यमन्त्री शर्माले व्यक्त गर्नुभएको छ ।
