कोरपाटी संवाददाताकार्तिक २७, २०७९काठमाडौं
४९८ पटक
२७ कात्तिक २०७९ आइतबार
नेकपा एमालेका अध्यक्ष केपी शर्मा ओलीले कर्णालीका तीन जिल्लाको चुनावीसभालाई सम्बोधन गर्नुहुने भएको छ ।
आसन्न मंसिर ४ गते सम्पन्न हुने प्रतिनिधि तथा प्रदेशसभा सदस्यको निर्वाचनका लागि एमालेका तीनै जिल्ला पार्टीहरुद्वारा आज कर्णालीको मान्म, दैलेख सदरमुकाम र सुर्खेत वीरेन्द्रनगरमा आयोजित चुनावी आमसभालाई अध्यक्ष ओलीले सम्बोधन गर्ने नेकपा एमालेका कर्णाली प्रदेश अध्यक्ष विनोद शाहले जानकारी दिनुभयो ।
कार्यतालिका अनुसार अध्यक्ष ओलीले सुरुमा कालीकोट, दोस्रोमा दैलेख र तेस्रोमा सुर्खेत वीरेन्द्रनगरमा हुने चुनावी आमसभालाई सम्बोधन गर्नुहुने उहाँले बताउनुभयो । उहाँका अनुसार उक्त चुनावी आमसभामा कार्यक्रममा कर्णाली प्रदेशका नेता तथा हजारौं कार्यकर्ताहरुको सहभागिता रहनेछ ।
