![](https://corepati.com/wp-content/uploads/2021/06/830-X-100.jpg)
![](https://corepati.com/wp-content/uploads/2022/03/Karnali-highway-Truk-accident-Phot-oNetra-Shahi-1-800x600.jpg)
![unn.prixa.net](https://unncdn.prixacdn.net/media/albums/jumla_pkVEyyp28g.jpg)
जुम्ला – कर्णाली राजमार्गमा मालवाहक ट्रक दुर्घटनाबाट जोगिएको छ ।
कालीकोट खण्डको मोडमा कर्णाली प्रदेश सरकार सामाजिक विकास मन्त्रालय स्वास्थ्य सेवा निर्देशनालयले जुम्ला पठाएको बालबालिकालाई दिइने पौष्टिक आहार बाेकेको ट्रक सडकबाट ५० प्रतिशत भाग तल गएर अड्किएको हो ।
आइतवार दिउँसो नेपालगञ्जबाट आउँदै गरेको ना ४ ख २८६० को ट्रक मोडमा ठाउँ नपुग्दा सडकबाट तल गएको तर खस्नबाट जोगिएको छ । कर्णाली राजमार्गमा रहेकाे हुल्म अस्थायी प्रहरी चौकीका प्रहरी सहायक निरीक्षक तिलकबहादुर डाँगीले ट्रकको आधा भाग तल खसिसकेको अवस्थामा स्टिलवार र वालमा अघिल्लो भाग अड्किएकाले दुर्घटनाबाट जोगिएको बताउनु भयाे ।
कैलाली घर भएका हरिस धामीले ट्रक चलाउनु भएकाे थियाे। दुर्घटनाको खबर पाउनेबित्तिकै प्रहरी त्यस क्षेत्रमा पुगेको थियो । प्रहरीले चालक धामीलाई सकुशल उद्धार गरेकाे छ । प्रहरीले साङ्लोले बाँधेर ट्रकमा लोड गरिएको पौष्टिक आहार सुरक्षित निकालेकाे छ ।
यस क्षेत्रमा मोड साँघुरो भएका कारण यस अघि पनि दुर्घटना भएकाे थियाे ।