OnlinePana

आज : २०७९ आषाढ १४ गतेPreeti to UnicodeUnicode to PreetiRoman to UnicodeDate Converter
कोरपाटी संवाददाताफागुन १५, २०७८सुर्खेत
१५२ पटक

१५ फागुन २०७८, आइतबार

कर्णाली प्रदेश सरकारका जलस्रोत तथा उर्जा विकासमन्त्री गणेशप्रसाद सिहले मोटरेबल पुलको शिलन्यास गर्नुभएको छ ।

उजा विकासमन्त्री सिंहले आज बारेकोट गाउँपालिका ८ र नलगाड नगरपालिका ५ जोड्ने नलसिंह गाडमाथि बन्न लागेको मोटरेबल पुलको शिलन्यास गर्नुभएको हो । उहाँले पुल निर्माण नहुँदा अहिलेसम्म दर्जनौं मान्छेले ज्यान गुमाइसकेको कुरालाई गम्भीरता साथ मनन् गरेर प्रदेश सरकारले निर्माण कार्य थालेको बताउनुभयो ।

कर्णाली प्रदेश सरकारले उक्त पुल निर्माणका लागि चालु आव.०७८÷०७९ मा रु.पाँच करोड बजेट विनियोजन गरेको छ । पुल निर्माण भने बहुर्षीय आयोजना अन्तरगत हुने जनाइएको छ । भेरी नगरपालिका १० भुरचौर सिंचाई आयोजना, लिफ्ट सिंचाई र तटबन्धको अनुगमन गर्नुभयो । त्यसैगरी, मन्त्री सिंहले बारेकोट गाउँपालिका १ जाजरकोटस्थित रु.५० लाख निर्माण कार्य सम्पन्न भएको जुनी बाल संरक्षणको भवन उद्घाटन गर्नुभएको थियो ।

त्यस्तै, जाजरकोट भेरी नगरपालिका १ स्थित पूर्वाधार विकास कार्यक्रमअन्तरगत रु.२० लाखको व्यवसायिक माध्यमिक विद्यालयको घेराबार, सोही वडाको दिपेन्द्र प्रावि रावतगाउँमा रु.२६ लाखको मुख्यमन्त्री रोजगार कार्यक्रमअन्तरगत बनेको भवनको समेत उर्जा विकासमन्त्री सिंहले अनुगमन गर्नुभएको थियो ।

उहाँले प्रमुख जिल्ला अधिकारीलगायतका जाजरकोटका सम्पूर्ण कार्यालय प्रमुखहरुसँगको भेटघाट तथा छलफलमा जिल्लामा भएका समस्याका बारेमा जानकारी लिँदै देखिएका समस्या समाधानमा प्रदेश सरकारले आवश्यक सहयोग पुर्याउने बताउनुभयो । सो क्रममा मन्त्री सिंहले सञ्चालित आयोजनाको काममा तीव्रता दिन आवश्यक निर्देशन दिनुभयो ।

प्रतिकृया दिनुहोस्