१७ माघ २०७८, सोमबार
जिल्ला प्रहरी कार्यालय सुर्खेतले लागु औषध ब्राउन सुगरसहित सुर्खेतबाट तीन जनालाई पक्राउ गरेको छ ।
प्रहरीले गुर्भाकोट नगरपालिका ८ सुर्खेतका ३२ वर्षीय लक्ष्मण परियार र वडा नं. का ३० वर्षीय रमेश ओलीलाई पक्राउ गरेको हो । आज नेपालगञ्जदेखि सुर्खेततर्फ आउँदै गरेको सवारी बाहक म्याजिकलाई रोकी चेकजाँच गर्ने क्रममा परियार र ओलीको साथमा ३ ग्राम ४६० ग्राम ब्राउन सुगर भेटेपछि पक्राउ गरिएको प्रहरी सहायक निरीक्षक जीवानन्द दाहालले जानकारी दिनुभयो ।
उहाँका अनुसार दुवैलाई भेरीगंगा नगरपालिका १० तोलीखोला प्रहरी चेक पोष्ट नजिकै सार्वजनिक पक्की सडक जाँच गरिएको थियो । बरामद ब्राउन सुगरसहित प्रतिवादी परियार र थापालाई जिल्ला प्रहरी कार्यालय सुर्खेतको हिरासत कक्षमा राखेर अनुसन्धान थालिएको प्रहरी सहायक निरीक्षक दाहालले बताउनुभयो ।
त्यस्तै, प्रहरीले वीरेन्द्रनगर नगरपालिका १० सुर्खेतका गोविन्द राईलाई पनि आजै पक्राउ गरेको छ । वीरेन्द्रनगर नगरपालिका १० सुर्खेतका वडाध्यक्ष रत्नबहादुर बुढा, सोही वडा निवासी बिष्णु गौतम, शिवराम चौधरी, भक्तविर चुनारा, गणेशबहादुर थापा, कमल चौधरी, बमबहादुर बिसी र नरगैया चौधरीको खेतमा थुपारी राखेको परालको थुप्रोहरुमा आगो लगाएको आरोपमा राईलाई पक्राउ गरी अनुसन्धान भईरहेको जिल्ला प्रहरी कार्यालय सुर्खेतले जनाएको छ ।
