OnlinePana

आज : २०७९ आषाढ १३ गतेPreeti to UnicodeUnicode to PreetiRoman to UnicodeDate Converter
कोरपाटी संवाददातामंसिर १४, २०७८सुर्खेत
१३९ पटक

१४ मंसिर २०७८, मंगलबार

कर्णाली प्रदेशका मुख्यमन्त्री जीवनबहादुर शाहीले आज विश्वासको मत लिनुहुने भएको छ । मुख्यमन्त्रीको विश्वासको मत लिने प्रयोजनका लागि आज दिउसो १ः०० बजे प्रदेशसभा बैठक आह्वान गरिएको छ ।

नेपाली काँग्रेस प्रदेशसभा दलको नेता शाही निवर्तमान मुख्यमन्त्री महेन्द्रबहादुर शाहीले असोज १५ गते राजीनामा दिएपछि १६ गते मुख्यमन्त्रीमा नियुक्त हुनुभएको थियो । मुख्यमन्त्री नियुक्त भएको ३० दिनभित्र विश्वासको मत लिनुपर्ने संवैधानिक व्यवस्था अनुसार आज उहाँले विश्वासको मत लिन लाग्नुभएको हो ।

मुख्यमन्त्रीले विश्वासको मत लिँदै गर्दा भने प्रमुख प्रतिपक्ष दल नेकपा एमाले भने अनुपस्थित हुने भएको छ । नेकपा एमालेको मंसिर १० गतेदेखि चितवनमा जारी दशौ राष्ट्रिय महाधिवेशनमा भाग लिन सौराह पुगेका कारण आफूहरु सहभागी हुन नसक्ने एमाले प्रदेशसभा दलका नेता यामलाल कँडेलले जानकारी दिनुभयो ।

मुख्यमन्त्रीले विश्वासको मत नलिदा संवैधानिक जटिलता आउने भएकाले बैठक नरोकिने कर्णाली प्रदेशका सभामुख राजबहादुर शाहीले जानकारी दिनुभयो । प्रमुख प्रतिपक्षी दल नेकपा एमाले अनुपस्थित भएपनि बैठक अगाडि बढ्ने जनाईएको छ ।

प्रतिकृया दिनुहोस्