आषाढ २१, २०७८
९७१ पटक
२० असार २०७८, आईतबार
जिल्ला प्रहरी कार्यालय सुर्खेतले चेक अनादर मुद्दाका एक फरार प्रतिवादी महिलालाई पक्राउ गरेको छ ।
वीरेन्द्रनगर नगरपालिका १ सुर्खेत धारपानीका ३२ वर्षीय महिला पार्वती शाहीलाई प्रहरीले पक्राउ गरेको हो । सुर्खेत जिल्ला अदालतको विसं.२०७७ फागुन २८ गतेको आदेशले चेक अनादर मुद्दामा प्रतिवादी शाहीलाई दुई वर्ष कैद सजायको फैसला गरेको जिल्ला प्रहरी कार्यालय सुर्खेतले जानकारी दिएको छ ।
अदालतको उक्त फैसला कार्यान्वयनको लागि विशेष सूचनाको आधारमा जिप्रकाबाट खटिएको प्रहरी टोलीले आईतबार पक्राउ गरी कार्यालयको हिरासत कक्षमा राखेको जनाईएको छ । आज एन्टिजेन परीक्षणपश्चात् सुर्खेत जिल्ला अदालतमा उपस्थित गराइने प्रहरीले जनाएको छ ।
