पुर्णराज बुढा/ पातारासी जुम्ला,
जेठ ६ गते । जुम्लाको पातारासी गाउँपालिका पुर्णखोप सुनिश्चत तथा दिगाेपना गाउँपालिका घोषणा गरिएको छ । गाउँपालिकाले आवश्यक स्वास्थ्य सुचांक पुरा गरेपछि गाउँपालिकालाई पुर्णखोप घोषणा गरिएको हो ।
जिल्ला समन्वय समितिका प्रमुख गौरीनन्द आचार्य, गाउँपालिका अध्यक्ष पुर्णसिंह बोहरा, प्रमुख जिल्ला अधिकारी दिपक पाैडेल, गाउँपालिका उपाध्यक्ष जनमाया राेकाया, जिल्ला जनस्वास्थ्य प्रमुख किरण शर्मा सहित सराेकारवाला निकाय, स्वास्थ्यकर्मी र स्थानीयकाे उपस्थितिमा पालिकालाई पुर्णखाेप घाेषणा गरिएकाे हाे ।
पातारासी गाउँपालिका स्वास्थ्य शाखा प्रमुख रतन बुढ्थापाले प्रस्तुत गर्नु भएकाे प्रतिवेदन अनुसार पुर्णखाेप प्राप्त बालबालिकाकाे संख्या २४४ रहेकाे छ । उहाँका अनुसार ० देखि १५ बर्षका २३५ जना र १६ देखि २३ सम्मका २०८ जना बालबालिकाले खाेप लगाईरहेका छन् ।
