१२ भदौं २०८२, बिहीबार
मानव बेचबिखन तथा ओसारपसार मुद्दामा ईन्टरपोलबाट रेड नोटिस जारी भएका फरार प्रतिवादी कुवेतबाट पक्राउ परेका छन् ।
भेरीगंगा नगरपालिका २ सप्तरी समझींगा बस्ने ३९ वर्षीय कृष्ण सुनारलाई पक्राउ गरिएको जिल्ला प्रहरी कार्यालय सुर्खेतका प्रवक्ता एवं प्रहरी नायब उपरीक्षक मोहनजंग बुढथापाले जानकारी दिनुभयो । उहाँका अनुसार फरार प्रतिवादी सुनारले विसं.२०७२ असार २७ गते पीडित परिवर्तित नाम ६४वीरेन्द्रनगर क८लाई बिबाह गर्छु भनि विभिन्न किसिमको प्रलोभनमा पारी भारतको हिमाञ्चल प्रदेशको सिम्लामा लगी बेचबिखन गरेको भनि पीडितले जिल्ला प्रहरी कार्यालय सुर्खेतमा मुद्दा दिएकी थिइन् ।
उहाँले भन्नुभयो, “सुर्खेत प्रहरीमा जाहेरी दर्ता भएपश्चात् प्रतिवादी सुनार फरार भएपछि उक्त मुद्दामा पक्राउ पूर्जी जारी भई अन्तर्राष्टियस्तरमा खोजतलासका लागि ईन्टरपोलबाट रेड नोटिस जारी भएको थियो ।” उनलाई एनसिबी नेपाल र एनसिबी कुवेतको समन्वयमा कुवेतबाट पक्राउ गरी नेपाल प्रहरी प्रधान कार्यालय अपराध अनुसन्धान विभाग (ईन्टरपोल महाशाखा) काठमाडौंमार्फत आज सुर्खेत प्रहरी कार्यालयमा ल्याएर मानव बेचबिखन तथा ओसारपसार मुद्दामा सुर्खेत जिल्ला अदालतबाट म्याद थप गरी अनुसन्धान भईरहेको प्रवक्ता बुढथापाले बताउनुभयो ।
