२२ फागुन २०७९, सोमबार
कर्णाली प्रदेश सरकारका मुख्यमन्त्री राजकुमार शर्माले रंगहरुको पर्व होलीले सबै समस्त नेपालीहरुमा उमंग थपोस् भन्ने शुभकामना सन्देश दिनुभएको छ ।
मुख्यमन्त्री शर्माले ‘फागुपूर्णिमा (होली) पर्व, २०७९’ को अवसरमा आज एक सन्देश जारी गर्दै देश तथा विदेशमा रहेका नेपाली दाजुभाई दिदीबहिनीहरुमा सुख, शान्ति, स्वास्थ्य र समृद्धि को शुभकामना व्यक्त गर्नुभएको छ । मानव स्वास्थ्यलाई ध्यान दिई अनुशासित एवं सभ्य भएर हर्षोल्लासका साथ होली मनाउन सबै नेपाली जनतालाई उहाँले आग्रह गर्नुभएको छ ।
हिमालदेखि तराईसम्म हर्षभावका साथ मनाइने होलीले हामीबीच भएका असमझदारी, बेमेल, कटुता एवं तिक्ततालाई समाप्त पारी मेलमिलाप, सद्भाव, शान्ति, समझदारी, भाईचारा र मानवताको सम्बन्ध काय गर्न तथा राष्ट्रिय एकता सुदृढ पार्न सबैमा प्रेरणा मिल्ने विश्वास उहाँले व्यक्त गर्नुभएको छ । रंगीन विशेषता बोकेको होलीले नेपाली साँस्कृतिक मौलिकतालाई बचाएर सत्य कर्म गर्न समेत यसले सन्देश दिएको उहाँको भनाई छ ।
