माघ १३ गते, कोरोनाको समयमा नागरिकलाई सजिलो सेवा प्रवाह गर्न एकिकृत हेल्प डेक्स घुम्ति शिविर शुरु गरिएको छ ।
जिल्ला विपत व्यवस्थापन समितिको वैठकले गरेको निर्णय अनुसार जिल्ला प्रशासन कार्यालय अगाडि एकिकृत घुम्ति शिविर शुरुवात गरिएको हो । शिविरमा खोप लगाउन नपाएका नागरिकलाई खोप लगाउने, कोरोनाको संका लागेका ईच्छुक व्यक्तिलाई एन्टिजन परीक्षण गर्ने , मास्क नलगाएकालाई मास्क लगाउने एकिकृत सेवा सुचारु गरिएको हो ।
जिल्ला प्रशासन कार्यालय, चन्दननाथ नगरपालिका स्वास्थ्य शाखा, कर्णाली स्वास्थ्य विज्ञान प्रतिष्ठान शिक्षण अस्पताल र जिल्ला जनस्वास्थ्य सेवा कार्यालयको सहभागितामा जिल्ला प्रशासन कार्यालय अगाडि हेल्प डेक्स स्थापना गरिएको छ । डेक्सबाट नागरिकलाई खोपसेवा सजिलो बनाउन तथा कोरोना फैलावाट रोक्न आरडिटिी परीक्षण समेत शुरु गरिएको प्रमुख जिल्ला अधिकारी बिजया प्रसाईले जानकारी दिनुयभो । एकिकृत हेल्प डेक्सको शुरुवात कार्यक्रममा बोल्दै प्रजिअ प्रसाईले स्वास्थ्य सेवा सम्वधित सवै सरोकारवाला निकायले मिलेर जनशक्ति, स्वास्थ्य सामग्री परिचालन गरेर सेवा प्रवाह शुरु भएको र सेवा लिन बताउनुभयो । हेल्पडेक्समा सेवा लिन नपाएका नागरिकहरुको भिड बढेको छ ।
चन्दननाथ नगरपालिका स्वास्थ्य शाखा प्रमुख क्षेत्रबहादुर महतले नगरपालिकाले यो समयमा निकै मिहिनेतका साथ खोप कार्यक्रम संचालन गरेको जानकारी दिदै सुचारु गरेको हेल्प डेक्सबाट सेवा लिन नागरिकलाई अनुरोध गर्नुभयो ।
घुम्तिसेवामा मास्क समेत बितरण गरिने जिल्ला जनस्वास्थ्य सेवा कार्यालय जुम्लाका प्रमुख कृष्ण सापकोटाले जानकारी दिनुभयो । उहाँले मास्कनै नपाएका व्यक्तिहरुलाई सजिलो हुने भएको छ । तेस्रो भेरियन्टको कोरोना संक्रमण बढेपछि कोरोना न्यूनिकरणका लागि अहिले जिल्ला भरी तेस्रो डोजको खोप शुरु भएको छ । यसैमा पनि चन्दननाथ नगरपालिका जुम्लाको सदरमुकाम भएका कारण भिड बढेको छ ।
१५ गतेबाट मोर्डना खोप :
यसैगरी मोडर्ना खोप लगाउन छुटेका वालवालिकाहरुलाई २०७८ माघ १५ गते देखी लगाईने जानकारी गरिएको छ । प्रमुख जिल्ला अधिकारी प्रसाईले अघिल्लो चरणमा १० हजार पाँच सय ५८ जना वालवालिकालाई मोर्डना लगाईएको र दोस्रो चरणमा पनि १० हजार पाँच सय ५८ जना वालवालिकालाई लगाउने लक्ष्य गरिएको छ ।
