कोरपाटी संवाददाताभाद्र २३, २०७८सुर्खेत
७८७ पटक
२३ भाद्र २०७८, बुधबार
कर्णाली प्रदेशमा बुधबार कोरोनाभाइरस (कोभिड–१९)को संक्रमणबाट पछिल्लो २४ घण्टामा दुई जनाको मृत्यु भएको छ । करिब एक सातासम्म संक्रमणबाट शून्य मृत्युदर रहेको कर्णालीमा बुधबार जुम्लाका १ र सुर्खेतका १ जना गरी २ जनाको मृत्यु भएको हो । योसँगै कर्णालीमा कोरोना भाइरसको संक्रमणका कारण मृत्यु हुनेको संख्या ३७२ जना पुगेको छ ।
पछिल्लो समयमा पनि कर्णाली प्रदेशमा कोरोना संक्रमणका कारण मृत्यु हुनेमा सुर्खेत अग्रपंक्तिमा छ । सुर्खेतमा कोरोना संक्रमणका कारण हालसम्म २१४ जनाको मृत्यु भएको स्वास्थ्य सेवा निर्देशनालय कर्णाली प्रदेशले जनाएको छ ।
