OnlinePana

आज : २०७८ कार्तिक २ गतेPreeti to UnicodeUnicode to PreetiRoman to UnicodeDate Converter
कोरपाटी संवाददाताजेठ २०, २०७८सुर्खेत
१८२ पटक

 २० जेठ २०७८, बिहीबार

कर्णाली प्रदेश सरकारले जेठ २५ गते प्रदेशसभाको अधिवेशन बोलउने तयारी गरेको छ ।

प्रदेशसभाका सभामुख राजबहादुर शाहीको आह्वानका आज बसेको सर्वदलीय बैठकमा बोल्दै मुख्यमन्त्री महेन्द्रबहादुर शाहीले प्रदेश सरकारले यही जेठ २५ गतेभित्र प्रदेशसभाको अधिवेशन बोलाउने तयारी गरेको बताउनुभयो । यस विषयमा सरकारले गृहकार्य गरिरहेको मुख्यमन्त्री शाहीले बाउनुभयो । सर्वदलीय बैठकमा दलहरुले प्रदेशसभाको वर्षे अधिवेशन अविलम्ब बोलाउन आग्रह गरेको प्रदेशसभा सचिवालयका सूचना अधिकारी उपेन्द्र गुरुङले जानकारी दिनुभयो ।

प्रतिपक्षी दल नेकपा एमालेले यस अघि नै बजेट अधिवेशन बोलाउन प्रदेश सरकारलाई आग्रह गरेको थियो । असार १ गते बजेट ल्याईसक्नु पर्ने र त्यस भन्दा १५ दिन अघि सरकारले बजेटका सैद्धान्तिक पक्ष र प्राथमिकताका विषयमा छलफल गर्नुपर्ने भएपनि कोरोना महामारीको अवस्थालाई मध्यनजर गर्दै प्रि–बजेट छलफल बिनै पूर्ण बजेट ल्याउने सरकारले तयारी गरेको थियो । कर्णाली सरकारले आगामी आर्थिक वर्षका लागि करिब रु.३३ अर्ब बराबरको बजेट ल्याउने तयारी गरेको छ ।

प्रतिकृया दिनुहोस्