Skip Add

OnlinePana

कोरपाटी संवाददाताबैशाख १५, २०७८सुर्खेत
१५ पटक

 १५ बैशाख २०७८, बुधबार

कर्णालीमा एकैदिन ३०० भन्दा धेरै जनामा कोरोना भाइरस (कोभिड–१९) को संक्रमण पुष्टि भएको छ । पछिल्लो २४ घण्टामा थप ३११ जनामा कोरोना संक्रमण देखिएको छ ।

प्रदेशका विभिन्न प्रयोगशालाहरूमा गरिएको पीसिआर परीक्षणमा १३४ र र्यापिड एन्टिजेन विधिबाट गरिएको परीक्षणमा १६८ जनामा संक्रमण पुष्टी भएको स्वास्थ्य सेवा निर्देशनालय कर्णाली प्रदेशले जनाएको छ । तीमध्ये सबैभन्दा बढी २१५ जना सुर्खेतका मात्र रहेका छन् ।

यस्तै दैलेखमा ३२ जना, जुम्लाका ८, जाजरकोटका ७, सल्यानका २९, रुकुम पश्चिमका ९, कालिकोटका १०, डोल्पाका १ र अन्य प्रदेशका ३ जना रहेका छन् । योसँगै कर्णाली प्रदेशमा कुल संक्रमित हुनेको संख्या ८ हजार ८ सय ९५ पुगेको छ ।

यस्तै पछिल्लो २४ घण्टामा थप ३ जना संक्रमितको उपचारका क्रममा मृत्यु भएको छ भने मृत्यु हुनेको संख्या ३८ पुगेको छ । अब कर्णालीमा सक्रिय संक्रमितको संख्या ९८१ पुगेको छ । तीमध्ये सुर्खेतमा ६१६ जना रहेको स्वास्थ्य निर्देशनालय कर्णाली प्रदेशले जानकारी दिएको छ । आज निको भई पाँच जना व्यक्ति डिस्चार्ज भएका छन् भने पछिल्लो २४ घण्टामा मात्र २३० जना कोरोनाका बिरामी आइसोलेसनमा रहेका छन् ।

प्रतिकृया दिनुहोस्