OnlinePana

आज : २०७९ जेठ १० गतेPreeti to UnicodeUnicode to PreetiRoman to UnicodeDate Converter
कोरपाटी संवाददाताचैत्र २३, २०७७जुम्ला
६५० पटक

२३ चैत २०७७, सोमबार

कर्णाली स्वास्थ्य विज्ञान प्रतिष्ठान जुम्लाको उपकुलपतिमा डा.मंगल रावल नियुक्त हुनुभएको छ । प्रधानमन्त्री एवं कुलपति केपी शर्मा ओलीले डा.रावललाई उपकुलपति नियुक्त गर्नुभएको हो ।
स्वास्थ्य तथा जनसंख्यामन्त्री एवं प्रतिष्ठानका सहकुलपति हृदेश त्रिपाठीको संयोजकत्वमा बनेको सिफारिस समितिले गरेको सिफारिस बमोजिम प्रधानमन्त्री ओलीले आईतबार डा.रावललाई नियुक्त गर्नुभएको हो । सिफारिस समितिले प्रतिष्ठानमा कार्यरत सहप्रध्यापक डा.रावलसँगै प्राडा.रेशम राना र सहप्रध्यापक डा.पुजनकुमार रोकायाको नाम सिफारिस गरेको थियो ।

गत फागुन १६ गते प्रतिष्ठानका उपकुलपति प्राडा.राजेन्द्रराज वाग्लेको पदावधि सकिएपछि डा.रावलले कार्यवाहक उपकुलपतिको जिम्मेवारी सम्हालिरहनुभएको थियो । आईतबार प्रधानमन्त्री ओलीले हुम्ला निवासी डा मंगल रावललाई प्रतिष्ठानको उपकुलपतिमा नियुक्त गरेपछि कर्णालीबासी भने निकै खुशी भएका छन् ।

त्यसैगरी, प्रधानमन्त्री ओलीले आईतबार नै पोखरा स्वास्थ्य विज्ञान प्रतिष्ठानमा डा.डुकबहादुर क्षेत्रीलाई उपकुलपतिमा नियुक्त गर्नुभएको थियो । नियुक्त उपकुलपतिहरुको कार्यकाल चार वर्षको हुनेछ ।

प्रतिकृया दिनुहोस्