११ पुस २०७७, शनिबार
नेपाल उद्योग वाणिज्य महासंघ कर्णाली प्रदेश समितिको अध्यक्षमा पदमबहादुर शाही निर्विरोध निर्वाचित हुनुभएको छ । आज सम्पन्न महासंघ कर्णाली प्रदेश समितिको निर्वाचनको लागि बिहीबार अध्यक्ष शाहीको मात्र एकल उम्मेदवारी परेको थियो ।
निर्विरोध निर्वाचित शाहीको अध्यक्षतामा ११ सदस्यीय कर्णाली प्रदेश कार्यकारिणी समिति निर्वाचित भएको निर्वाचन अधिकृत विवश बस्नेतले जानकारी दिनुभयो । उहाँका अनुसार समितिको उपाध्यक्षमा जुम्लाका रजवअली मनिहार (जिल्ला–नगरबाट), सुर्खेतका प्रकाश उप्रेती (एशोसियटबाट) र कोषाध्यक्षमा सल्यानका सुधन श्रेष्ठ निर्वाचित भएका छन् ।
यस्तै, एसोसियट सदस्यहरुमा झविराज खत्री, सिताराम कार्की यस अघि नै निर्विरोध निर्वाचित भएका थिए । जिल्ला नगरको पाँच सदस्यहरुमा कविराज कँडेल (सुर्खेत), कर्णबहादुर खत्री (जाजरकोट), दिपकराज खड्का (रुकुम पश्चिम), कृष्णप्रसाद कोइराला (दैलेख) र नामग्याल तामाङ (हुम्ला) निर्वाचित भएको निर्वाचन अधिृकत बस्नेतले बताउनुभयो ।
उहाँका अनुसार प्रदेश समितिमा निर्वाचित पदाधिकारी तथा सदस्यहरुलाई पद तथा गोपनीयताको सपथ खुवाईएको छ । आज सम्पन्न निर्वाचनमा एसोसियटतर्फ ४४ र जिल्ला–नगरतर्फ ११ मतदाता रहेका थिए ।
