Skip Add

OnlinePana

पुर्ण चाैलागाई भाद्र १७, २०७७जुम्ला
६६ पटक

कोरोना संक्रमण नछोएको तातोपानी गाउँपालिकामा केही व्यक्तिलाई कोरोना संक्रमण देखिएपछि तातोपानी गाउँपालिकाले उच्च सतर्कता अपनाएको छ ।

गाउँपालिकाल त्यसका लागि स्थानीयलाई सूचना प्रकाशन गरेर भिडभाड नगर्न, जात्रा, मेला, पैठ नगर्न । सामाजिक दुरीमा रहेर काम गर्न लगाएतका सन्देश सहित सूचना समेत जारी गरेको छ ।

अध्यक्ष नवरारज न्यौपानेद्धारा जारी सूचनामा हाम्रो गाउँपालिकामा समेत कोरोना पुगेकाले यसबाट बच्न, सचेत रहन नियम पालना गर्न अनुरोध गरेको छ । सूचनामा समुहमा बसेर जाँड, रक्सी जुँवा तासा नखेल्न, पार्टी संगठनको नाममा भेला प्रशिक्षण तत्कालका लागि बन्द गर्न भनिएको छ ।

यसैगरी अनाब्यश्य पाहुँना अन्य ठाउँमा नजान, भेलिवल, फुटवल, देउडा नगर्न, निषेधाज्ञा भएको समयमा भ्रमणमा जाने भोजको आयोजना नगर्न निर्देशन गरिएको छ । यसैगरी जिल्ला स्थित विपत व्यवस्थापन समिति, स्थानीय तह, सुरक्षा निकायहरुले जारी गरेको सुरक्षा मापदण्डको पालना अनिवार्य गर्ने सहितका बिषयमा जनतालाई अनुरोध सहित निर्देशन गरिएको हो ।

पछिल्लो समय सिञ्जा क्षेत्रमा धार्मिक भेला भईरहेको छ । स्थानीयले भने जानी जानी धार्मिक जात्रामा ठूलो भिडभाड गरिरहेको समयमा स्थानीय प्रशासनले निगरानी गरिरहेको छ । प्रमुख जिल्ला अधिकारी भुपेन्द्र थापाले अटेर गर्ने स्थानमा कानून अनुसार अगाडि बढ्ने बताउनुभयो । ।

प्रतिकृया दिनुहोस्