Skip Add

OnlinePana

कोरपाटी संवाददाताआषाढ २९, २०७७ सुर्खेत
८० पटक

 २९ असार २०७७, सोमबार

जिल्ला प्रहरी कार्यालय सुर्खेतको एक थुनुवाका कोरोना संक्रमण पुष्टि भएपछि हिरासत सिल गरिएको छ ।

बलात्कारको अभियोगमा पक्राउ परी हिरासतमा राखिएका एक व्यक्तिमा कोरोना देखिएपछि हिरासत कक्ष सिल गरिएको जिप्रका सुर्खेतका प्रहरी नायब उपरीक्षक रामप्रसाद घर्तीले जानकारी दिनुभयो । वीरेन्द्रनगरको ३६ वर्षीय ती युवक हाडनाता करणीको आरोपमा असार १४ गते पक्राउ परेको उहाँले बताउनुभयो ।

“हिरासत राखिएका थुनुवाहरुको अनिवार्य पिसिआर गर्ने अदलातलको आदेशानुसार असार २० गते परीक्षणका लागि उनको स्वाब संकलन गरिएको थियो,” प्रहरी नायब उपरीक्षक घर्तील भन्नुभयो, “तर ती युवकमा कोरोना संक्रमण पुष्टि भयो । यो सूचना पाउनेबित्तिकै हिरासत कक्ष सिल गरेका छौं ।”

उहाँका अनुसार ती युवकसहित छ जनाको परीक्षण गरिएको थियो र कोरोना पुष्टि भएपश्चात् युवकलाई स्वास्थ्य सेवा कार्यालय सुर्खेतको समन्वयमा आइसोलेसनमा राखिएको छ । उनको सम्पर्कमा रहेका आफन्त र प्रहरीसहित २२ जनाको स्वाब संकलनगरी परीक्षणका लागि प्रदेश अस्पतालको कोरोना परीक्षण प्रयोगशालामा पठाईएको प्रहरीले जनाएको छ ।

प्रतिकृया दिनुहोस्