कोरपाटी संवाददाताआषाढ २७, २०७७सुर्खेत
५९२ पटक
२७ असार २०७७, शनिबार
कर्णाली प्रदेशको राजधानी सुर्खेतबाट राहत सामग्री बोकेर नेपाली सेनाको हेलिकोप्टर जाजरकोट बारेकोट गएको छ ।
बिहीबार राति जाजरकोट जिल्लाको बारेकोट गाउँपालिका ४ जिरीको पहिरोले दुई घर बगाउँदा सात जनाले ज्यान गुमाएका र पाँच जना बेपत्ता रहेका पीडित परिवारलाई राहत सामग्री लिएर हेलिकोप्टर त्यसतर्फ गएको कर्णाली प्रदेश आन्तरिक मामिला तथा कानून मन्त्रालयका सूचना अधिकारी कृष्णबहादुर रोकायले जानकारी दिनुभयो ।
नेपाली सेनाको हेलिकोप्टरले २५ थान त्रिपाल, २५ थान कम्बल, तीन बोरा च्युरा, १८० प्याकेट चाउचाउ र १० बोरा चामलमा तत्काल ५० केजी चामल लिएर त्यसतर्फ गएको सूचना अधिकारी रोकायाले बताउनुभयो । उहाँका अनुसार पीडित परिवारलाई थप राहत र विस्थापितहरुको व्यवस्थापनका लागि सरकारले आवश्यक तयारी थालेको छ ।
