१८ असार २०७७, बिहीबार
विश्वव्यापीरुपमा फैलिएको नोबेल कोरोना भाइरस (कोभिड–१९)ं को संक्रमण जितेर आज कर्णालीमा ४९ जना घर फिर्ता भएका छन् ।
कोरोना जितेर घर फर्कनेहरुमा सबै सुर्खेतका रहेका छन् । जसमा लेकबेसी नगरपालिका आइसोलेसन सेन्टरबाट दुई महिलासहित ३३, गुर्भाकोट नगरपालिकाको आइसोलेसन सेन्टरबाट नौ जना सिम्ता गाउँपालिकाको आइसोलेसन सेन्टरबाट तीन, प्रदेश अस्पताल÷सालकोट आइसोलेसन सेन्टरबाट दुई÷दुई जना फिर्ता भएको कर्णाली प्रदेश सरकार सामाजिक विकास मन्त्रलाय स्वास्थ्य सेवा महाशाखाका प्रमुख डा. लक्ष्मीनारायण तिवारीले जानकरी दिनुभयो ।
आज ४९ संक्रमित थपिएसँगै कर्णालीमा निको भएर घर फर्कनको संख्या एक १२७ पुगेको महाशाखा प्रमुख डा.तिवारीले बताउनुभयो । मन्त्रालयका अनुसार भेरी अस्पताल बाँकेमा गरिएको आरटी पिसिआर परीक्षणमा आज सुर्खेतका तीन, दैलेखको एक र कर्णाली स्वास्थ्य विज्ञान प्रतिष्ठान जुम्लामा गरिएको परीक्षणमा कालीकोटको एक जनामा संक्रमण पुष्टि भएको छ । यससँगै कर्णालीका संक्रमित हुनेको संख्या एक हजार ४७४ पुगेको छ ।
