२५ जेठ २०७७, आईतबार
कर्णाली प्रदेशमा नोबेल कोरोना भाइरस (कोभिड–१९) बाट संक्रमित हुनेको कुल संख्या ६४१ पुगेको छ ।
आज थप ५४ जनामा कोरोना पुष्टि भएको प्रेस विज्ञप्ति कर्णाली प्रदेश सरकार सामाजिक विकास मन्त्रालय, स्वास्थ्य सेवा महाशाखाले सार्वजनिक गरेको गरेको छ । कर्णाली प्रदेश अस्पताल तथा पशुंपक्षी अन्वेषण प्रयोगशाला सुर्खेतमा भएको आरटी पिसिआर परीक्षणबाट ५१ र कर्णाली स्वास्थ्य विज्ञान प्रतिष्ठान जुम्लामा गरिएको आरटी पिसिआरबाट तीन जनामा कोरोना संक्रमण पुष्टि भएको मन्त्रालयका स्वास्थ्य सेवा महाशाख प्रमुख डा.लक्ष्मीनारायण तिवारीले जानकारी दिनुभयो ।
महाशाखा प्रमुख डा.तिवारीका अनुसार कालीकोटमा तीन, सुर्खेतमा २० र सल्यानमा २८ जनामा कोरोना संक्रमण पुष्टि भएको छ । थप ५४ जना थपिएसँगै कर्णालीमा कोरोनाबाट संक्रमिति हुनेको संख्या ६४१ पुगेको उहाँले बताउनुभयो ।
सुर्खेत र प्रतिष्ठान जुम्लामा आरटी पिसिआर परीक्षणबाट आज दैलेख भैरवी गाउँपालिकामा दुई र चामुण्डा बिन्द्रसैनी नगरपालिकाका एक, सल्यान वनगाड कुपिण्डे नगरपालिकाका २३, बेलखोलाका तीन र कुमाख गाउँपालिकाका दुई जनामा पुष्टि भएको महाशाखाका प्रमुख डा.तिवारीले बताउनुभयो । त्यसैगरी, कालीकोट खाँडाचक्र नगरपालिकामा दुई र महाबै गाउँपालिकाका एकमा कोरोना पुष्टि भएको छ ।
सुर्खेत वीरेन्द्रनगर नगरपालिकाका दुई, भेरीगंगा नगरपालिकाका चार, भेरीगंगा नगरपालिका दुई, पञ्चपुरी नगरपालिकाका छ, लेकबेसी नगरपालिकाका छ, बराहताल गाउँपालिकाका दुई र चौकुने गाउँपालिका दुई जनामा कोरोना संक्रमण पुष्टि भएकोे स्वास्थ्य सेवा महाशाखाले जनाएको छ । संक्रमितहरुमा ५२ पुरुष तथा सल्यानको वनगाड कुपिण्डे नगरपालिका र सुर्खेतको पञ्चपुरी नगरपालिकामा एक÷एक जना महिला रहेको बताईएको छ । 
