२४ जेठ २०७७, शनिबार
कर्णाली प्रदेशमा नोबेल कोरोना भाइरस (कोभिड–१९) बाट संक्रमित हुनेको कुल संख्या ५८७ पुगेको छ । शुक्रबार एकसय थपिएपछि कोरोना संक्रमितको संख्या ४८९ पुगेको थियो ।
आज थप ९८ जनामा कोरोना पुष्टि भएको प्रेस विज्ञप्ति कर्णाली प्रदेश सरकार सामाजिक विकास मन्त्रालय, स्वास्थ्य सेवा महाशाखाले सार्वजनिक गरेको गरेको छ । कर्णाली स्वास्थ्य विज्ञान प्रतिष्ठान जुम्लामा गरिएको आरटी पिसिआरबाट ४४ र कर्णाली प्रदेश अस्पताल तथा पशुंपक्षी अन्वेषण प्रयोगशाला सुर्खेतमा भएको आरटी पिसिआर परीक्षणबाट ५४ जनामा कोरोना संक्रमण पुष्टि भएको मन्त्रालयका स्वास्थ्य सेवा महाशाख प्रमुख डा.लक्ष्मीनारायण तिवारीले जानकारी दिनुभयो ।
सुर्खेत र प्रतिष्ठान जुम्लामा आरटी पिसिआर परीक्षणबाट आज दैलेख दुल्लु नगरपालिकाका ३, दैलेख महावु गाउँपालिकाको वडा नं.१ मा २९ जनासहित ४४ जनामा कोरोना संक्रमण पुष्टि भएको महाशाखाका प्रमुख डा.तिवारीले बताउनुभयो । त्यसैगरी, डोल्पा जगदुल्ला गाउँपालिकामा एक, जाजरकोट बारेकोट गाउपाँलिकास्थित ईलाका प्रहरी कार्यालयका एक जना सुरक्षाकर्मीसहित ४ जनामा कोरोना संक्रमण पुष्टि भएको उहाँले जनाउनुभयो ।
उहाँका अनुसार सुर्खेत वीरेन्द्रनगर नगरपालिकाको एक, भेरीगंगा नगरपालिकाका चार, गुर्भाकोट नगरपालिकाका एक र पञ्चपुरी नगरपालिकाका तीन जनागरी नौ जनामा कोरोना पुष्टि भएको छ । त्यसैगरी, वनगाड कुपिण्डे नगरपालिका सल्यानको १–७ वडाका ३८ जनामा कोरोना पुष्टि भएको स्वास्थ्य सेवा महाशाखाले जनाएको छ । महाशाखाको आज सार्वजनिक तथ्याङ्क अनुसार सल्यान वनगाड कुपिण्डे नगरपालिकाका दुई, जाजरकोट बारेकोट गाउँपालिकाका एक र दैलेख महाबु गाउँपालिकाका चारगरी कुल सात महिलामा समेत कोरोना संक्रमण देखिएको छ ।
