Skip Add

OnlinePana

कोरपाटी संवाददाताजेठ ११, २०७७ सुर्खेत
२३३ पटक

सुर्खेत, ११ जेठ २०७७ सोमबार

कर्णाली प्रदेशका मुख्यमन्त्री महेन्द्रबहादुर शाहीले भारतबाट आउने कर्णालीवासीका लागि प्रदेशको प्रवेशद्वार बबईमा गएर खाना र पानी व्यवस्था गर्न उद्योग, पर्यटन, वन तथा वातावरण मन्त्रालयलाई निर्देशन दिनुभएको छ ।

रोजगारीका लागि भारत गएका कर्णालीका नागरिकहरु विश्वव्यापी महामारीको रुपमा फैलिएको कोरोना भाइरसको प्रकोपका कारण भएको लकडाउनले समस्या भएपछि स्वदेश फिता हुन थालेको र उनीहरुप्रवेश गर्ने यहाँको सीमा नाका बबईमा पुगेर खाना र पानी आपूर्ति गर्न उद्योग मन्त्रालयलाई मुख्यमन्त्री शाहीले निर्देशन दिनुभएको मुख्यमन्त्रीका प्रमुख स्वकीय सचिव खेमबहादुर सिंहले जानकारी दिनुभयो ।

प्रमुख स्वकीय सचिव सिंहले भन्नुभयो, नागरिकहरुको समस्या समाधानार्थ काम गर्नको लागि उद्योग मन्त्रालयलाई मुख्यमन्त्री शाहीले निर्देशन दिनुभएको छ । पानी र खानेकुराको आपूर्ति मन्त्रालय आफैले गर्नुपर्नेछ ।

उहाँको निर्देशनसँग अब कर्णालीको प्रवेश गेटमा पुग्ने नागरिकलाई खाना र पानीका लागि सहजता हुने भएको छ । शनिबार मात्रै मुख्यमन्त्री शाहीको आग्रहमा कोपिला भ्याली समाजले भारतबाट आएका ११ सय नागरिकहरुलाई खाना र पानीको व्यवस्थापन गरेको थियो । प्रदेश सरकारले यो महामारीमा परेका नागरिकहरुको सहयोगका लागि सरोकारवाला सबैलाई आ.आफ्नो क्षेत्रबाट सहयोग गर्न अपिल गरेको छ ।

प्रतिकृया दिनुहोस्