कार्तिक २६ गते । जुम्ला तातोपानी गाउँपालिका वडा नम्बर ४ निवासी लक्ष्मीप्रसाद उपाध्याय (दिपक)ले जन्मदिनको अवसरमा अस्पतालका बिरामीलाई फलफुल वितरण गरेर मनाउनु भएको छ ।
उहाँले जन्मदिनको अवसरमा कर्णाली स्वास्थ्य विज्ञान प्रतिष्ठान शिक्षण अस्पताल जुम्लाका ५५ जना विरामीलाई अण्डा, फ्रुटि, स्याउ वितरण गर्नु भएको छ । आफ्नै घरमा उत्पादित कुखुराको अण्डा २ वटा, कुखुराको स्याउ २ वटा र एक फ्रुटि वितरण गरिएको छ ।
गौतम कृषि तथा पशुपंक्षी पालन फममा कार्यरत लक्ष्मी प्रसाद उपाध्याय नेकपा माओवादी केन्द्रका नेता हुन्ुहुन्छ भने पूर्व जनमुक्तिसेनाका बटालियन कमाण्डर हुनुहुन्थ्यो । उहाँले जन्मदिनमा केक काट्नु भन्दा विरामीलाई फलफुल दिन उचित रहेको बताउदै विरामी सँग मनाउन खुशी भएको बताउनुभयो ।
प्रतिष्ठानका विरामी दर्शना शाहीले विरामी भएको समयमा फलफुल दिएकोमा धन्यवाद ज्ञापन गर्नुभयो । जन्मदिनको अवसरमा केही व्यक्तिहरुले कर्णाली स्वास्थ्य विज्ञान प्रतिष्ठानका विरामीहरुलाई फलफुल वितरण गर्दै आउने गरेका छन् । पछिल्लो समयमा केक काटेर महंगो गर्ने आयतित सस्कार बढिरहेको वेला जन्मदिनमा विरामी सँग मनाउने गरेको र आफ्नो जन्मदिन पनि अस्पतालका विरामी सँग विताउने उपाध्यायका श्रीमति तथा तातोपानी गाउँपालिका प्रथम उपाध्यक्ष गंगा उपाध्यायले जानकारी दिनुभयो ।
