२५ कार्तिक २०८१, आईतबार
कालीकोट जिल्लाको पलाँता गाउँपालिकामा भएको जीप दुर्घटनामा परी मृत्यु हुने ६ जनाको भएको छ ।
पलाँता गाउँपालिका ३ राहुनेटा भन्ने स्थानमा भएको जीप दुर्घटनामा परी सोही गाउँपालिका ६ निवासी पदम बम, भगवती रोकाया, गणेश शाही, वडा नं. ५ का छाया शाही र वडा नं.३ का दमन रोकाया रहेको जिल्ला प्रहरी कार्यालय कालीकोटका प्रहरी निरीक्षक गोविन्दप्रसाद चौधरीले जानकारी दिनुभयो ।
उक्त दुर्घटनामा १३ जना घाइते भएका छन् । घाईते हुनेहरुमा कालिकोट पलाता ६ का केशव थापा, किशोर थापा, विजय थापा, रिदम शाही, प्रतिक्षा शाही, आशिष रोकाया, भुपेन्द्र रोकाया रहेको प्रहरी निरीक्षक चौधरीले बताउनुभयो । यस्तै पलाँता ३ बस्ने दानबहादुर रोकाया, निर्मला रोकाया, जगत रोकाया, वडा नं. ५ बस्ने दोली विक, आयुशा विक र ठेगाना नखुलेको चालक धनिराम रावत रहेको उहाँले जनाउनुभयो । ्
घाइते १३ जनालाई उद्दार गरी उपचारका लागि हेलिकप्टरबाट कर्णाली प्रदेश अस्पताल कालगाउ सुर्खेत ल्याइएको छ । आज दिउँसो पलाँता गाउँपालिका ३ को राहुनेटा भन्ने ठाउँमा क.प्र ००१.ज.५६ नम्बरको जीप भिरबाट करिब १०० मिटर तल खसेर दुर्घटना भएको प्रहरीले जनाएको छ ।
