![](https://corepati.com/wp-content/uploads/2021/06/830-X-100.jpg)
![](https://corepati.com/wp-content/uploads/2021/07/rastra.jpg)
२० फागुन २०८०, आइतबार
कर्णाली प्रदेश राजधानी वीरेन्द्रनगरमा पहिलोपटक हुन लागेको महिला सम्मेलनको उद्घाटनका लागि पूर्वराष्ट्रपति विद्यादेवी भण्डारी सुर्खेत आउनुभएको छ ।
११४औं श्रमिक महिला दिवसको पूर्वसन्ध्यामा सोमबार वीरेन्द्रनगरको सिटी हलमा हुने महिला सम्मेलन उद्घाटनका लागि पूर्वराष्ट्रपति भण्डारी आज सुर्खेतमा आईपुग्नुभएको हो । सम्मेलनमा कर्णाली प्रदेशका ७९ स्थानीय तहका प्रमुख÷उपप्रमुख, महिला नेत्री, आमा समूह तथा वडा समितिका अगुवा महिलाहरु सहभागी हुने आयोजक वीरेन्द्रनगर नगरपालिकाका प्रमुख मोहनमाया ढकालले राससलाई जानकारी दिनुभयो ।
नीति तथा बजेट निर्माण, न्यायिक र अनुगमन समितिमा काम गरेका र हाल गरिरहेका महिला जनप्रतिनिधिहरुको अनुभव आदनप्रदान गरिने प्रमुख ढकालले बताउनुभयो । उहाँका अनुसार सो सम्मेलनमा प्रदेश सरकार, प्रदेशसभा सदस्य, अन्य राजनीतिक दलका महिला नेत्रीहरुलाई समेत सहभागिता गराइनेछ । उक्त सम्मेलनबाट घोषणापत्र जारी गर्ने कार्यक्रम तय भएको जनाइएको छ ।