सुर्खेत, ९ बैशाख २०७७ : कर्णाली प्रदेश सरकारले देशका विभिन्न स्थानमा अलपत्र कर्णालीबासी नागरिकहरुलाई उद्धारमा जोड दिएको छ ।
पुस महिनामा ज्यालादारी कामको सिलसिलामा वाग्मती प्रदेशको सिन्धुपाल्चोक जिल्ला त्रिपुरासुन्दरी गाउँपालिका पुगेका तर लकडाउनका कारण रोकिएका तिला गाउँपालिकाका जुम्लाका ३४ जना अलपत्र मजदुरलाई कर्णाली सरकारको पहलमा उद्धार गरिएको हो । मजदुरहरुहरुलाई त्यहाँको स्थानीय सरकारले खाना र नानामा सहयोग नगरेको र उद्धारका लागि कर्णाली सरकारकासँग गुहार माग्दा सहयोग पुगेको सहजकर्ता प्रेमबहादुर बस्नेतले बताउनुभयो ।
नजिकको सरकारको सहयोगमा मजदुरहरु कर्णाली फर्किने अवसर पाएको सहजकर्ता बस्नेतको भनाई थियो । सिन्धुपाल्चोकका ३४ मजदुरसहित कामको खोजीमा राजधानी काठमाडौ, चितवनमा पुगेका १०५ नागरिकहरुलाई आजै बसबाट उद्धार गरिएको कर्णाली प्रदेश सरकारका आन्तरिक मामिला तथा कानूनमन्त्री नरेश भण्डारीले जानकारी दिनुभयो ।
“प्रदेश सरकार लकडाउन कार्यान्वयनमा त्यत्तिकै लागिपरेको छ । अर्कोतर्फ सडकमा अलपत्रका नागरिकहरुको उद्धारसमेत गर्नुपर्छ,” कानूनमन्त्री भण्डारीले भन्नुभयो, “अवस्था अध्ययन गरेर अलपत्र नागरिकहरुलाई क्वारेन्टाईन राख्छौं र सम्बन्धित स्थानीय सरकारहरुको समन्वयमा उनीहरुको घरमा पठाउने व्यवस्थासमेत गरिरहेका हुन्छौं ।” सरकारको पहिलो काम अप्ठ्यारोमा परेका नागरिकहरुको उद्धार गर्नु भएकोले यस कार्यमा बढी जोड दिईएको उहाँले बताउनुभयो ।
सडक तथा विभिन्न स्थानमा अलपत्र हुम्ला, मुगु, कालीकोट, जुम्ला, डोल्पा, जाजरकोट लगायतका कर्णालीबासी नागरिकहरुको उद्धार तथा राहतमा सरकार अहोरात्र खटिरहेको कानूनमन्त्री भण्डारीको भनाई थियो । उहाँका अनुसार प्रदेश सरकारले अलपत्र नागरिकलाई भेरीगंगा नगरपालिका सुर्खेतको बबई, वीरेन्द्रनगरस्थित खुलामञ्चको क्वारेन्टाईनमा व्यवस्थापन गर्नेदेखि सम्बन्धित जिल्लामा पनि पुर्याउने काम गरिरहेको छ ।
विशेषगरी भोको अवस्थामा विपन्न र बाटोमा अलपत्र परेका नागरिकहरुलाई कर्णाली प्रदेश सरकारको पैसा नलाग्ने हटलाईन सेवाको नम्बर १११० मा सम्पर्क गर्न उहाँले अनुरोध गर्नुभएको छ । हालसम्म त्यस्तो अवस्थाका नागरिकहरुलाई भोको हुन नदिएको र अलपत्र नागरिकहरुलाई स्थानीय सरकारहरुसँगको समन्वयमा सम्बन्धित जिल्लामा पठाउने काम गरिएको प्रदेश सरकारले जनाएको छ ।
कोरपाटी संवाददाताबैशाख ९, २०७७काठमाडौं
४८३ पटक
- बिप्लवले स्याउ रोप्दै भने आर्थिक समृद्धि उत्पादनबाट मात्रै सम्भव छ
- पाचौ जुम्ला–रारा अल्ट्रा म्याराथन वैशाख १ मा हुने
- लगानीको संभाव्य क्षेत्र हो कर्णालीः मन्त्री सिंह
- अव छुईप्रथा भन्ने होईन, मर्यादित महिनावारी भनौ
- माओवादी केन्द्रको जुम्ला संयोजकमा नवराज न्यौपाने चयन
- सामुहिक स्याउ खेति शुरु गर्न बिप्लव जुम्ला आउने
- भू तथा जलाधार कार्यालयको नयाँ भवन शिलान्यास
- जुम्लाले नयाँ सफ्टवेयर अनुसन्धान गर्ने जनशक्ति उत्पादन गर्नुपर्छ : नरेश भण्डारी
- बर्तमान राज्य व्यवस्था स्थिर हुन आवश्यक छ : बिप्लब
- नेकपा एमाले जुम्लाको अधिवेशन वैशाख १५ र १६ गते, अध्यक्ष ओलीलाई निमन्त्रणा