२७ माघ २०७८, बिहीबार
नेकपा (माओवादी केन्द्र) कर्णाली प्रदेशसभा दलका प्रमुख सचेतक ठम्मर पछिल्लो समयमा मुलुकको अवस्था बिग्रँदै गएको औंल्याउनुभयो । कर्णाली आफैमा उर्बर भूमि हुँदा पनि यहाँका नागरिक आयातमा निर्भर हुनुपरेको उहाँको आशय थियो ।
मुलुकमा कानून बन्यो तर लागु नभएको र भएपनि त्यसको प्रभावकारी बन्न नसकेको बताउँदै प्रमुख सचेतक विष्टले भन्नुभयो, “नेपाल कुर्ची होइन, कृषि प्रधान देश भयो । कानून बन्ने तर यसको अक्षरशः पालना नहुने यस्तै यस्तै कुराले आज कृषिबाट हुँदै मुलुक कूर्चीमा पुगेको छ ।”कर्णालीका सबै स्थानीय पालिकास्तरमा कृषिका दिर्घकालीन् योजना बनाएर अघि बढ्नुपर्ने उहाँको भनाई थियो ।
शिक्षा, स्वास्थ्य, कृषिलगायतका क्षेत्रमा माफियाको राजबाट मुक्त गर्न कर्णाली प्रदेश सरकारले अहिले देखि पहल थाल्नुपर्ने बताउँदै उहाँले कृषिको विकास हुन सकेमात्र यहाँको गरिबी हटाउन सकिने उहाँले बताउनुभयो । वीरेन्द्रनगरको भूमि आज चक्लाबन्दीका नाममा माफियाको हातमा पुगेकोले यसको विषयमा सरकारको ध्यान बेलैमा जानुपर्नेमा उहाँले जोड दिनुभयो ।
