जुम्ला पुस २० गते, जथाभावी रुपमा अतिक्रमण सड्क अतिक्रमण हुन थालेपछि हटाउ अभियान थालिएको छ ।
अतिक्रमण गरी निर्माण गरेका संरचना भत्काउने,निर्माण सामाग्री हटाउन,परामर्श दिने काम गर्दै अतिक्रमण हटाउने अभियान थालिएको हो । सुरक्षाकर्मी सहित कर्णाली राजमार्गको जुम्ला खण्डमा सडक अतिक्रमण गरी बनाइएका घर,टहरा,पर्खाल,होटल लगायतका संरचना भत्काउन थालिएको छ ।
डिभिजन सड्क कार्यालय जुम्लाले एक महिना पहिलेदेखि थालेको सडक सुरक्षा अभियान अन्तरर्गत जुम्लामा, सडक डिभिजन, प्रहरी प्रशासन, चन्दननाथ नगरपालिका र नागरिक समाज जुटेर बल्ल अतिक्रमण हटाउन थालेका हुन् ।
नागरिक समाजका अध्यक्ष राजबहादुर महतका अनुसार जुम्लामा बाक्लो सुरक्षाकर्मी परिचालन गरेर सडक अतिक्रमण हटाउने परिणाममुखी काम शुरु भएको नागरिक अगुवा राजबहादुर महतले जानकारी दिनुभयो । उहाँले,“वर्षौ पहिले देखि नागरिक समाजको अगुवाईमा सडक अतिक्रमण हटाउन बहस देखि सडक चक्काजाम गर्यौ तर सफल भएनौ ।
सडक डिभिजन जुम्लाका प्रमुख राजिव श्रेष्ठका अनुसार सडकमा जथाभावी रुपमा राखिएका निर्माण सामाग्री हटाईएको छ । उहाँका अनुसार अतिक्रमण क्षेत्रमा चिन्ह लगाउने काम भएको छ । उहाँले पहिलो चरणमा बसपार्क क्षेत्रको निर्माण सामाग्री हटाएका छौ । नापी गरी सकेपछि मात्रै सडक अतिक्रमण गरी बनाएका संचरना भत्काउने तयारी रहेको भन्दै सवैको यस अभियानमा सहयोग पुग्ने अपेक्षा गरिएको छ ।
नगरपालिकाको मापदण्ड अनुसार सडक १५ मिरट चौडा हुनु पर्ने । त्यसमा एक मिटर फुटपाथका लागि छुटाइएको थियो । पछिल्लो समय फुटपाथ समेत अतिक्रमण गरेर घर टहरा,होटल बनेका छन् । त्यसैले सडक क्षेत्र पुरै खाली गर्न नापी गरेर आफै व्यवस्थापन गर्न सूचित गरिने अटेरी गरे एकहप्ता भित्रै डोजर प्रयोग गरेर संरचना भत्काइने सडक डिभिजन जुम्लाका प्रमुख श्रेष्ठको भनाई छ ।
जुम्ला बजारमात्रै नभई तातोपानी, लिताकोट, कुडारी, त्रिवेणी, रारालिहिका पनि बढेकोले अतिक्रमण हटाउने अभियान गाउँ सम्म पुराइने सडक डिभिजनले जनाएको छ ।
प्रमुख जिल्ला विजयाकुमारी प्रसाईले पहुँचवालालाई छोड्ने र सामान्य नागरिकको संरचना भत्काउने नभइ अतिक्रमण भएको सबै क्षेत्र सहमती वा बल प्रयोग गरेर भएपनि हटाइने बताउनुभयो । उहाँका अनुसार सडक सबै नागरिकको साझा सम्पत्ति भएकोले सडक सुरक्षा सबैको दायित्व हो । अतिक्रमण हटाउन प्रहरी प्रशासन,सडक डिभिजनले मात्र सम्भव नभएकोले आम नागरिकको सहयोग आबश्यक रहेको प्रजिअ प्रसाइको भनाई रहेछ ।
मंगलबार डोजर प्रयोग गरेर भत्काइने घरको आँगन, पर्खाल तथा निर्माण सामाग्री हटाइएको केही स्थानीयले विरोध समेत गरेका छन् । अतिक्रमण भएको जग्गा छोड्न तयार भएको तर नापी नक्सा गरेर मात्रै छोड्ने स्थानीयको माग छ । सडक डिभिजनले अतिक्रमण भएको क्षेत्रमा चिन्ह लगाएको छ । केहि दिनका खाली नगरे सिधै डोजर प्रयोग गरेर भत्काइने समेत चेतावनी दिइएको छ ।
सडक डिभिजन जुम्लाले पटक पटक सार्वजानिक सम्पत्ति तथा सडक अतिक्रमण नगर्न अनुरोध नगरेपनि सडकमा स्थानीयको मनपरी रोकिएको थिएन् । निर्णय हुने कार्यान्वयन नहुने प्रबृत्तीले बढेको सडक बढेको सडक अतिक्रमण हटाउन सरोकारवाला आक्रमक भएपनि आम सर्वसाधारण खुसी भएका छन् । सडकमा बनाईएका टहरा हटाउन सम्झाई वुझाइ, स्थानीय सूचना प्रकाशन समेतमा जोड दिईएको डिभिजन सडकले जनाएको छ ।
