१७ पुस २०७८, शनिबार

काठमाडौंमा सम्पन्न प्रथम मेयरकप राष्ट्रिय तेक्वान्दो प्रतियोगितामा कर्णालीले आठ पदक हात पारेको छ । उक्त प्रतियोगितामा सुर्खेतले मात्र छ पदक हात पारेको हो ।

पौष १५ देखि १७ सम्म राजधानीमा सम्पन्न प्रतियोगितामा कर्णालीले दुई रजतसहित छ काँस्य जितेको हो । तेक्वान्दो सुर्खेतका प्रशिक्षक भुवन थापाका अनुसार ६३ केजी.तौल समूहमा सल्यानका योगन्द्र शाह र ५० केजी.तर्पm सुर्खेतका सुशिल ओलीले रजत पदक जितेका हुन् ।

त्यस्तै, ४६ केजी तौल समूहमा सुर्खेतका दिनेश मगरले पुम्सेमा र राजकुमारी गुरुङ्गले काँस्य हात पारे । ७६ केजी. तर्पm रुकुमपश्चिमका डिल्लीप्रसाद शर्मा, ४९ केजी. तौलतर्पm सुर्खेतका दिप्ती नेपाली, ६३ केजी.तर्पm सुर्खेतकै पूजा गाहा र ५४ केजी. तर्पm पनि सुर्खेतकै दिपेन्द्र चुनाराले काँस्य पदक जिते ।

गत पुस ८ गते कर्णालीको राजधानी सुर्खेतमा सम्पन्न प्रथम प्रदेशस्तरीय तेक्वान्दो प्रतियोगितामा छनौट भई कर्णालीका १९ जना खेलाडी प्रतियोगितामा सहभागिता भएका थिए । जसमा सुर्खेतका १५, रुकुमका ३ र सल्यानका १ जना खेलाडी थिए । प्रदेशस्तरीय प्रतियोगितामा सुर्खेतले १४ स्वर्ण, छ रजत र चार काँस्यसहित च्याम्पियन भएको थियो ।