पौष ११, २०७८
६७३ पटक
११ पुस २०७८, आईतबार
नेकपा (माओवादी केन्द्र) को केन्द्रीय महाधिवेशन अब केही बेरमा शुरु हुँदैछ । महाधिवेशन अहिले दिउँसो ३ः०० बजे कमलादीस्थित प्रज्ञा प्रतिष्ठान काठमाडौंमा उद्घाटन हुँदैछ । उक्त कार्यक्रममा सहभागी हुनका लागि देशैभरिबाट महाधिवेशन प्रतिनिधिहरु काठमाडौं भित्रिएका छन् ।
अहिले देशभरको प्रतिनिधिहरु प्रज्ञा प्रतिष्ठानको भवनका छिर्ने क्रम चलिरहेको छ । अतिथिहरु मञ्चको पछिल्लो लहरमा बसिरहेका छन् । महाधिवेशनको लाईभ प्रसारण भईरहेको छ । डबलीको डिजिटल पर्दामा झाँकी, शुभेच्छुक र समर्थकहरु भित्रका गतिविधिहरु नियालिरहेका छन् ।
महाधिवेशन उद्घाटका लागि तयारी कार्य पूर्ण भएको माओवादी केन्द्रले जनाएको छ । केन्द्रका अनुसार उक्त महाधिवेशनमा मनोनितसहित प्रतिनिधि एक हजार ६०० को हाराहारिमा रहने छन् ।
