OnlinePana

आज : २०७८ माघ ३ गतेPreeti to UnicodeUnicode to PreetiRoman to UnicodeDate Converter
कोरपाटी संवाददातामंसिर २३, २०७८काठमाडौं
६५ पटक

खलंगा मंशिर २१ गते, जिल्ला निर्वाचन कार्यालय जुम्लाले फोटो सहितको मतदाता नामावली संकलन शुरु गरेको छ ।
कार्यालय प्रमुख महेश शर्माका अनुसार आगामी निर्वाचनलाई लक्षित गरी निर्वाचन आयोगको निर्देशनअनुसार निर्वाचन कार्यालयले नामावली संकलन गरेको छ ।
उहाँका अनुसार पहिलो चरणमा तिला, तातोपानी र हिमा गाउँपािलका मतदाता नामावली संकलन गर्न टोली खटिएको छ ।

मतदाता नामावलीमा नाम नभएकाले निर्वाचनमा भोट हाल्न नपाउने भएपछि जिल्ला निर्वाचन कार्यालय र जिल्ला प्रशासन कार्यालयलाई फोटोसहितको मतदाता नामावली संकलन गर्न निर्वाचन आयोगले निर्देशन गरे अनुसार जिल्ला मतदाता नामावली संकलन बिषयमा सचेतना कार्यक्रम गरि जानकारी समेत गरिएको छ ।

निर्वाचन कार्यालयले १८ वर्ष पूरा भएका नेपाली नागरिकताको प्रमाणपत्र लिएकालाई मतदाता नामावलीमा नाम लेखाउन पाउने बताएको छ । कार्यालयले १७ मंसिरदेखि तिन तहमा र दोस्रो चरणमा अन्य तहमा मतदाता नामावली संकलन गर्ने तयारी गरेको हो ।

कार्यालय प्रमुख शर्माले भन्नुभयो, स्थानीय तहमा खटिएको टोलीले मतदाता नामावली संकलनको काम गर्नेछ । मतदाता नामावलीमा नाम हटाउन, सच्याउन, नयाँ अद्यावधिक गर्न र मतदान स्थल सार्न भने निर्वाचन कार्यालयमा स्वयं व्यक्ति आउनुपर्ने प्रावधान छ ।

तातोपानी, तिला, हिमा र गाउँपालिकाको केन्द्रमा निर्वाचन कार्यालयको नेतृत्वमा नामावली संकलन गर्न टोली खटिएको छ ।

जिल्ला प्रशासन कार्यालयका कर्मचारी सुरत गिरी तिला गाउँपालिकामा, हुलाक कार्यालयका कर्मचारी वालकृष्ण जैसी तातोपानी र गुठिचौर गाउँपालिकाको कर्मचारी प्रेम शाही हिमामा खटाईएको निर्वाचन कार्यालयले जनाएको छ ।

 

प्रतिकृया दिनुहोस्