१५ मंसिर २०७८, बुधबार
मध्यपश्चिम विश्वविद्यालयकोे एघारौं सभाको बैठक प्रधानमन्त्रीको निजी सचिवालय बालुवाटार काठमाडौंमा सम्पन्न भएको छ । आज प्रधानमन्त्री एवं मध्यपश्चिम विश्वविद्यालयका कुलपति शेरबहादुर देउवा, सहकुलपति एवं शिक्षा, विज्ञान तथा प्रविधिमन्त्री देवेन्द्र पौडेलसहितको उपस्थितिमा सम्पन्न भएको विश्वविद्यालयले बताएको छ ।
विश्वविद्यालयको एघारौं सभामा स्वागत मन्तव्य एवं विषय प्रवेश मध्यपश्चिम विश्वविद्यालयका उपकुलपति प्रा.डा.नन्दबहादुर सिंहले प्रस्तुत गर्नुभएको थियो । रजिष्ट्रार प्रा.डा.नारायणप्रसाद पौडेलले सभाको सहजीकरण गर्नुभएको थियो ।
उक्त बैठकमा विभिन्न प्रदेशदेखि संघीय सांसदको उपस्थिती रहेको थियो । त्यसैगरी, बैठकमा विश्वविद्यालय अनुदान आयोगका अध्यक्ष, त्रिभुवन, पूर्वाञ्चल र मध्यपश्चिम विश्वविद्यालयका उपकुलपति, मपवि सेवा आयोगका अध्यक्ष तथा सदस्य र रजिष्ट्रारको उपस्थिति रहेको थियो ।
