एकिकृत अखिल नेपाल शिक्षक संगठनले आफ्नो संगठन बिस्तार गरेको छ । अध्यक्ष राजेन्द्र खत्री। उपाध्यक्ष समृता बुढा, राजबहादुर शाही। सचिव जयशंकर धिताल रहेको संगठन परिषदको अवसरमा बिस्तार गरेको हो । ३९ सदस्यीय जिल्ला कमिटी रहेको कमिटिलाई अर्को सम्मेलन नहुदा सम्मका लागि १५१ सदस्यीय जिल्ला कार्य समिति बिस्तार गरिएको हो ।
शनिवार देखी शुरु भएको दोस्रो जिल्ला परिषद सम्पन्न भएको छ । परिषदबाट उठेका जिल्ला र स्थानीय तह स्तरका सवालहरुको बिषयलाई लिएर निति निर्माण तथा पैरविमा सहयोग पुगेको अखिल नेपाल शिक्षक संगठनका केन्द्रीय सचिव रेश्मीलाल चपाईले बताउनु भयो । उहाँले स्थानीय तहको संगठन अव संघीयताको स्वरुपमा अगाडि बढ्ने बताउनुभयो ।
संगठनलाई अव थप शशक्त रुपमा अगाडि बढाउने र यसमा शिक्षकहरु एकमत भएर अगाडि बढ्नुपर्ने अध्यक्ष राजेन्द्र खत्रीले जानकारी दिनुभयो । परिषदको बन्दसत्रले प्रगति तथा आर्थिक प्रतिवेदन समेत पास गरेको छ । शिक्षकहरुले वन्दसत्रमा समेत पेशागत अधिकार, गुणस्तरीय शिक्षा सहित विभिन्न बिषयमा घनिभुत छलफल गरि आगामी योजना बनाउन सूझाव दिएका छन् ।
शिक्षक महासंघ सिञ्जाका अध्यक्ष रोकाया संगठनमा प्रवेश :
सिञ्जा गाउँपालिका शिक्षक महासंघका अध्यक्ष एकिकृत अखिल नेपाल शिक्षक संगठनमा प्रवेश गर्नुभएको छ ।
लामो समय शिक्षण पेशामा रही राप्रपा नेपाल निकटको राष्ट्रिय शिक्षक परिषद त्यागेर एकिकृत अखिल नेपाल शिक्षक संगठनमा प्रवेश गरेको रोकायाले बताउनुभयो ।
संगठनको दोस्रो जिल्ला परिषदमा केन्द्रीय सचिव तथा कर्णाली प्रदेश अध्यक्ष रेश्मीलाल चपाई र नेकपा माओवादी केन्द्र जुम्लाका संयोजक विरबहादुर कुँवरले संगठनको रसिद दिएर प्रवेश गराउनु भएको सचिव जयशंकर धितालले जानकारी दिनुभयो ।
शिक्षक नेता रोकायाले आफु अव क्रान्तिकारी संगठनमा सामेल भएको भन्दै संगठभित्र समान व्यवहार र विचारको कदर हुने बताउनुभयो । उहाँले लामो समय सम्म संठनमा काम गर्दै आएकाले शिक्षकको पेशागत अधिकार र ज्ञानशिपमा विताउने बताउनुभयो । शिक्षक नेता रोकाया जुम्ला जिल्लाको पुरानो, पाको र अनुभवी शिक्षक समेत हुनुहुन्छ ।
