सुर्खेत, ९ माघ ः राष्ट्रियसभा सदस्य पदका लागि आज भएको निर्वाचनमा कर्णाली प्रदेशबाट नेपाल कम्युनिष्ट पार्टी (नेकपाका) उम्मेदवार मायाप्रसाद आचार्य र सुमित्रा बिसी विजयी हुनुभएको छ ।
नेकपाका विजयी उम्मेदवारमा अन्यबाट आचार्यले तीन हजार ६१८ मत प्राप्त गर्नुभएको छ । उहाँका निकटतम् प्रतिद्वन्द्वी डिल्लीराम पाठकले एक हजार २६ मत प्राप्त गर्नुभएको निर्वाचन अधिकृत डा.राजेन्द्रकुमार आचार्यले जानकारी दिनुभयो ।
त्यसैगरी नेकपाका महिला उम्मेदवार बिसीले तीन हजार ६८४ मत प्राप्त गर्नुभएको छ भने उहाँका निकटतम प्रतिद्वन्द्वी गणेशकुमारी बस्नेतले एक हजार २६ मत प्राप्त गर्नुभएको निर्वाचन अधिकृत डा.आचार्यले बताउनुभयो ।
राष्ट्रिय सभा सदस्यको कर्णाली प्रदेशमा रिक्त दुई पदका लागि भएको निर्वाचनमा १९८ मतदाताहरुमा १९५ जना (९८.४८) प्रतिशतले मतदान गरेका थिए । जसमा एकजना प्रदेशसभा सदस्यको मत बदर भएको बताईएको छ । डोल्पोबुद्ध गाउँपालिका डोल्पाका उपाध्यक्ष मल्लटासी गुरुङ, हुम्ला नाम्खा गाउँपालिकाका उपाध्यक्ष पेमा तामाङ र कालिकोटको तिलागुफा गाउँपालिकाका उपप्रमुख दन्ता नेपालीले मतदानमा सहभागी नभएको निर्वाचन कार्यालय सुर्खेतले जनाएको छ ।
कोरपाटी संवाददातामाघ ९, २०७६सुर्खेत
५५४ पटक
- अस्थायी कर्मचारी संगठनका अध्यक्ष, शक्तिको आडमा १७ वर्षदेखि एउटै कार्यालयमा
- जुम्लामा दलित समुदाय एक भएर निर्वाचित वडाध्यक्ष सहित ५३८ जना माओवादी केन्द्रमा प्रवेश
- कार्तिक ५ गते माओवादी अध्यक्ष प्रचण्ड कनकासुन्दरी आउने
- हिमाको ओदीमा रु दुईलाख राशीको भलिवल प्रतियोगिता
- प्रभावकारी सेवा प्रवाह र राजश्व वृद्धिमा ध्यान दिन वनमन्त्री अधिकारीको निर्देशन
- जुम्ला राजासिममा घोडादौड प्रतियोगिता : तपेन्द्र रावल प्रथम
- जिल्ला प्रहरी कार्यालयद्धारा नागरिक सुनुवाई तथा शुभकामना आदान प्रदान
- चन्दननाथ नगरपालिकामा बिपतमा खट्ने स्वयंसेवक व्यूरो गठन
- खत्याड गाउँपालिकामा १० जना गाउँपालिका प्रहरी दिक्षित
- जुम्लामा ३४ औ ज्येष्ठ नागरिक दिवस विभिन्न कार्यक्रम गरी मनाईयो