पौष २८, २०७७
७०६ पटक
२८ पुस २०७७ मंगलबार
कर्णालीका महिला अधिकारवादी तथा नेकपाका महिला नेत्री लक्ष्मीकन्या बुढा (प्रतीक्षा)द्वारा लिखित पुस्तक ‘मुक्ति अभियान’ विमोचन भएको छ ।
नेकपाको स्थायी कमिटि सदस्य तथा महिला नेत्री पम्फा भुसालले मंगलबार पेरिसडाँडा कोटेश्वर काठमाडौंमा उक्त पुस्तकको विमोचन गर्नुभएको हो । नेपाली महिलाले नेपालको ईतिहासमा भएका विभिन्न आन्दोलनमा खेलेको भूमिका र जनयुद्ध, जनविद्रोह, जनआन्दोलनले नेपाली महिलाको जीवनमा आएको परिवर्तन बारे पुस्तकमा लेखिएको छ ।
अहिले पनि महिला अधिकार प्राप्त भयो भनिएपनि नेपालको महिलाको आन्दोलनले पूर्णता नपाएको र मुक्ति अभियानलाई अँझै नयाँ उचाईमा लैजानुपर्ने कुरा यसमा उल्लेख गरिएको छ ।
