१९ फागुन २०८२, मंगलबार
१९ फागुन यही फागुन २१ गते सम्पन्न हुने प्रतिनिधिसभा सदस्य निर्वाचन २०८२ को मौन अवधिमा निर्वाचन आचारसंहिता पालना गर्न आग्रह गरिएको छ ।
यही फागुन १८ गते राति १२ः०० बजेपश्चात् सुरु भएको मौन अवधिमा निर्वाचन आयोग नेपालले जारी गरेको निर्वाचन आचारसंहिता २०८२ पालना गर्न दलका उम्मेदवार, भातृ संगठनलगायत सम्बन्धित सबैलाई आग्रह गरिएको हो । निर्वाचनलाई स्वच्छ, निष्पक्ष, मर्यादित, भयरहित, मितव्ययी र पारदर्शी बनाउन र आचारसंहित विपरीत गतिविधि नगर्न अनुरोध गरिएको निर्वाचन आचारसंहित अनुगमन अधिकृत एवं जिल्ला प्रशासन कार्यालय सुर्खेतका सहायक प्रमुख जिल्ला अधिकारी डिलबहादुर कार्कीले जानकारी दिनुभयो ।
सो अवधिमा निर्वाचन प्रचासप्रसारलगायत कुनैपनि प्रकारका सभा, सम्मेलन, गोष्ठी, अन्तरक्रिया, कार्यशाला नगर्न, मतदान हुने दिनको ४८ घण्टा अगाडि मतदानस्थलको तीन सय मिटर वरिपरि राखिएका राजनीतिक दलका उम्मेदवारका प्रचार सामग्री हटाउनुपर्ने, कुनैपनि विधि, प्रक्रिया एवं माध्यमबाट मत माग्न र निर्वाचन प्रचार प्रसार गर्न नहुने लगायतका सात बुँदे आचारण पालन गर्न आग्रह गरिएको निर्वाचन अनुगमन अधिकृत कार्कीले बताउनुभयो । उहाँका अनुसार छिटफुट कमोजरी देखिएपनि निर्वाचन प्रसार प्रसारमा कुनै अवाञ्छित गतिविधि भएको पाइएको छैन ।
